7. мавзу. ИҚтисодиёт ва унинг реал секторини ривожлантиришда хусусий инвеститция-ларнинг ўрни ва аҳамияти режа: 1

7.МАВЗУ. ИҚТИСОДИЁТ ВА УНИНГ РЕАЛ СЕКТОРИНИ РИВОЖЛАНТИРИШДА ХУСУСИЙ ИНВЕСТИТЦИЯ-ЛАРНИНГ ЎРНИ ВА АҲАМИЯТИ
Режа:
1. Иқтисодиётнинг реал сектори тушунчаси мазмуни ва унинг миллий иқтисодиёт ривожидаги аҳамияти. Иқтисодиётнинг реал сектори таркибий тузилиши ва шаклланиши.
2. Хусусий инвестицияларнинг мазмуни ва мулкий асослари. Хусусий мулкнинг иқтисодиётнинг реал секторини ривожлантиришдаги аҳамияти.
3. Иқтисодиётнинг реал секторини ривожлантиришда давлат ва хусусий секторнинг иштироки. Хусусий инвестициялар ёрдамида иқтисодиёт ва унинг реал секторини ривожлантиришнинг хориж тажрибалари.
4. Ўзбекистонда иқтисодиёт ва унинг реал секторини ривожлантиришга қаратилган давлат сиёсатининг асосий йўналишлари ва самаралари. Ўзбекистонда кичик бизнес ва хусусий тадбиркорликни ривожлантиришга қаратилган ислоҳотлардан кўзланган мақсад ва унинг амалга оширилиши натижалари.
Таянч сўз ва иборалар: Иқтисодиётнинг реал сектори, Реал сектор иқтисодиёти таркиби, Молиявий сектор, Хусусий инвестициялар, Давлат-хусусий шериклик шартномаси, Концессия шартномаси.
7.1. Иқтисодиётнинг реал сектори тушунчаси мазмуни ва унинг миллий иқтисодиёт ривожидаги аҳамияти. Иқтисодиётнинг реал сектори таркибий тузилиши ва шаклланиши.
Иқтисодиётнинг реал сектори– бу иқтисодиётнинг йирик таркибий қисми бўлиб, у турли ишлаб чиқариш соҳаларини ўхшаш тавсифлар, иқтисодий мақсадлар, функциялари орқали бирлаштиради ва назарий ҳамда амалий жиҳатдан иқтисодиётни бошқа қисмларидан фарқ қилади. Иқтисодиётнинг материал-буюм маҳсулотларини ишлаб чиқарувчи, номатериал бойликни яратувчи ва хизмат кўрсатиш соҳаларини ўз ичига оладиган соҳа. Реал секторга молия-кредит, биржа фаолияти кирмайди. Капитални спекулятив ҳаракатини истисно қилган ҳолда иқтисодиётни тузилмавий қайта қуриш ва иқтисодий ўсиш жараёнларини бирлаштирадиган соҳа. Коммертсияга асосланган серияли ва йирик миқдорда маҳсулот ва товарлар ишлаб чиқарувчи, жумладан, бино ва иншоотларни қуриш, алоқа, телекоммуникатсия, транспорт хизматини амалга оширувчи кичик, ўрта ва йирик корхоналар йиғиндисидир. Иқтисодиётнинг бевосита моддий неъматлар ишлаб чиқариш ва хизматлар кўрсатиш билан боғлиқ соҳаси бўлиб, у ўз ичига саноат, қишлоқ хўжалиги, қурилиш, транспорт, алоқа ва бошқа хизмат кўрсатиш тармоқларини олади.