8-mavzu: O’zbekiston Respublikasi hududini rivojlantirishning shaharsozlik jihatidan rejalashtirilishi reja

2. O’zbekiston Respublikasi, viloyatlar va Qoraqalpog’iston Respublikasi hududlarini rejalashtirish tarhlari
O’zbekiston Respublikasi, viloyatlar va Qoraqalpog’iston Respublikasi hududlarini rejalashtirish tarhlarida quyidagilarni nazarda tutuvchi loyiha yechimlari belgilanadi:
hududlarning zonalashtirilishi;
aholini joylashtirish tizimlarini takomillashtirishning, aholi punktlarini rivojlantirishning asosiy yo’nalishlari;
sanoatni, qishloq xo’jaligini, viloyatlararo hamda aholi punktlariaro ahamiyatga molik muhandislik, transportga oid va ijtimoiy infratuzilmalarni rivojlantirishning asosiy yo’nalishlari;
aholi punktlarining va shaharlar shahar atrofi zonalarining chegaralari;
shaharsozlik vositalari orqali O’zbekiston Respublikasi, viloyatlar va Qoraqalpog’iston Respublikasi hududlarini tabiiy hamda texnogen xususiyatga ega favqulodda vaziyatlar ta’siridan muhofaza qilish, ekologik holatni yaxshilash, madaniy meros obyektlari hududlarini saqlash chora-tadbirlari;
O’zbekiston Respublikasi, viloyatlar va Qoraqalpog’iston Respublikasi hududlarini rivojlantirishga doir boshqa loyiha yechimlari.
Shaharsozlik jihatidan rejalashtirishning biriktirma tarhlari
O’zbekiston Respublikasi Shaharsozlik kodeksining 50-moddasiga muvofiq shaharsozlik jihatidan rejalashtirishning biriktirma tarhlarida quyidagilarni nazarda tutuvchi loyiha yechimlari belgilanadi:
hududning zonalashtirilishi;
aholini joylashtirishning hududiy tizimlarini rivojlantirish chora-tadbirlari;
viloyatlararo ahamiyatga molik muhandislik, transportga oid va ijtimoiy infratuzilmalarni rivojlantirish chora-tadbirlari;
tabiatdan oqilona foydalanish chora-tadbirlari;
hududni kompleks rivojlantirish maqsadida resurslar bilan ta’minlash chora-tadbirlari;
hududni rivojlantirishga doir boshqa loyiha yechimlari.


3.O’zbekiston Respublikasi hududini rivojlantirishning tarmoq tarhlari. Tumanni (tumanlar guruhlarini) rejalashtirish loyihalari
O’zbekiston Respublikasi hududini rivojlantirishning tarmoq tarhlarida:
energiya ta’minotini, gaz ta’minotini, aloqani, irrigasiyani, suv ta’minotini va kanalizasiya tarmoqlarini rivojlantirish;
havo, temir yo’l, avtomobil, daryo transportini, quvur orqali yetkazib berish transportini va boshqa transport turlarini rivojlantirish;
hududlarni xavfli geologik va gidrogeologik jarayonlardan himoya qilish;
atrof-muhitni muhofaza qilish;
iqtisodiyot tarmoqlarining ishlab chiqarish kuchlarini joylashtirish;
O’zbekiston Respublikasi hududini rivojlantirishning boshqa masalalari bo’yicha asosiy ko’rsatkichlar va rejalashtirish yechimlari belgilanadi.
O’zbekiston Respublikasi Shaharsozlik kodeksining 53-moddasiga muvofiq tumanni (tumanlar guruhlarini) rejalashtirish loyihalarida quyidagilarni nazarda tutuvchi loyiha yechimlar belgilanadi:
tuman (tumanlar guruhlari) hududini ijtimoiy-iqtisodiy rivojlanish xususiyatlarini, tabiiy-iqlim sharoitlarini hamda aholi soni prognozini inobatga olgan holda rivojlantirishning asosiy yo’nalishlari;
hududning zonalashtirilishi va rejali tuzilishi;
tuman (tumanlar guruhlari) hududini tabiiy va texnogen xususiyatga ega favqulodda vaziyatlar ta’siridan muhofaza qilish chora-tadbirlari;
aholi punktlariaro ahamiyatga molik muhandislik, transportga oid va ijtimoiy infratuzilmalarni rivojlantirish yo’nalishlari;
aholi punktlarini rivojlantirish uchun zaxira hududlar;
yakka tartibdagi uy-joylar qurilishini joylashtirish uchun hududlar, jamoa bog’dorchiligi, uzumchiligi va polizchiligini yuritish uchun yer uchastkalari;
aholining dam olish joylarini tashkil etish uchun hududlar;
aholi punktlarining va shaharlar shahar atrofi zonalarining chegaralari;
tuman (tumanlar guruhlari) hududini rivojlantirishga doir boshqa loyiha yechimlari.