Kutilayotgan natija

AQL QAYROG'I

Maktabgacha yoshdagi bolalarda ilk matematik

tasavvurlarni shakllantirish mashg'ulotlari ishlanmasi

(Kichik guruh uchun)

8-MASHG'ULOT

o'ng va chap qo'lni farqlashni o'rgatishni davom ettlrish

MAQSAD:

• Bolalarga o'ng va chap qo'lni farqlashni o'rgatish.

KUTILAYOTGAN NATIJA:

• Bolalar o'ng va chap qo'lni farqlashni o'rganadilar.

KERAKLI JIHOZLAR:

• 
  Bayroqchalar (har bir bolaga 2 tadan).
  
• 
  2 ta koptok va 2 ta savatcha.
  
• 
  Tugmalar, yong'oqlar.
  

MASHG'ULOTNING BORISHI:

TARBIYACHI: - Bolajonlar, siz bu qo'limiz o'ng, bu qo'limiz chap deyilishini bilib olgansiz, to'g'rimi? (Bolalarning javobi.)

Bugun biz siz bilan turli o'yinlar o'ynaymiz. Bu o'yinlar yordamida o'ng va chap qo'limiz haqida yaxshiroq bilib olamiz. Siz bilan birinchi o'ynaydigan o'yinirniz: "Bayroqchani ol", deb nomlanadi.

Bu o'yinda tarbiyachi bolalarga qaysi qo'l o'ng qo'l ekanini eslashlarini, shu qo'l bilan bay­roqchani olishni; bayroqchani chap qo'lga o'tka-zishni, chap qo'lni yuqori ko'tarishni, bayroq­chani silkitishni va o'ng qo'lga o'tkazishni taklif qiladi, Yoki ko'k bayroqchani o'ng qo'lga, sariq bayroqchani chap qo'lga olish. Bayroqchalarning o'rnini almashtirish. Shundan so'ng tarbiyachi so'raydi: "Bayroqning rangi qanday? U qaysi qo'lingizda?"

"Qaysi qo'l bilan aniqroq?" o'yini.

TOPSHIRIQ: koptok bilan nishonga, — masalan, yarim metrdan uzoq bo'lmagan masofaga qo'yilgan to'siqqa o'ng (yoki chap) qo'l bilan urish, koptokni mahkamlangan savatga (qutiga) tushirish, yerga chizilgan doiraga tushirish.

Mashqning amaliy ahamiyati: bolalar o'ng va chap qo'llarini farqlashni o'rganadilar, irg'itish-ni harakatning asosiy turlaridan biri sifatida o'zlashtiradilar, harakat reaksiyalarining fazoviy aniq bo'lishini mashq qiladilar. (Shu maqsadda koptokni darvozaga yumalatib kiritishni taklif qilish mumkin. Joylashish masofasi dastlab bir metr­dan oshmasligi kerak.)

"Qaysi qo'l bilan tezroq?" o'yini.

TOPSHIRIQ: tugmalarni, yong'oqlarni oldin o'ng qo'l bilan, keyin chap qo'l bilan terish. Tarbiyachi bolalarga qaysi (o'ng yoki chap) qo'l epchil ekanini o'zlari aniqlashlarini taklif qilishi mumkin.

TARBIYACHI: - Bolajonlar, biz qaysi o'yinlarni o'ynadik, o'yinlarimiz sizlarga yoqdimi? Bolalarning javobi.

O'ng va chap qo'lni yaxshi bilib oldingizmi? Qani, o'ng qo'lni belga qo'yamiz, chap qo'lni yelkaga, endi chap qo'lni belga, o'ng qo'lni yelkaga qo'yamiz, qo'llarni tushiramiz juda yaxshi, barakalla, bolajonlar. (Bolalar tarbiyachi bilan birgalikda harakatni bajaradilar.)

1. 
   Koptokni chap qo'l bilan nishonga otish osonmi, o'ng qo'l bilanmi?
   
2. 
   Tugmalarni qaysi qo'lda terish oson bo'ldi, o'ng qo'ldami, chap qo'ldami?
   
3. 
   Siz o'ng qo'lingizni ko'p ishlatasizmi yoki chap qo'lingizni?
   
4. 
   O'ng qo'lingizni ko'taring, tushiring.
   
5. 
   Chap qo'lingizni ko'taring, tushiring.
   
6. 
   O'ng qo'lingiz bilan chap ko'zingizni ko'rsating.
   
7. 
   Chap qo'lingiz bilan o'ng oyog'ingizni ko'rsating.
   

(Mashg'ulot davomida va yakunida bolalarni rag'batlantirib boriladi.)