Мавзу: 15 %ли томат пюреси ишлаб чиқариш линияси лойихалансин. Режа: Кириш боб. Умумий қисм

Мавзу: 15 %ли томат пюреси ишлаб чиқариш линияси лойихалансин.
Режа:
Кириш.
1.боб.Умумий қисм.
1. Томат пюресининг хом ашё тавсифи.
1.1. Томат пюреси ишлаб чиқариш тўғрисида умумий маълумотлар.
1.2. Томат пюреси тайёрлашнинг технологик схемаси.
2.боб.Техналогик қисм.
2.Зарур хом ашё,идишлар ва ускуналарни хисоблаш.
2.1.15%ли томат пюреси учун зарур томат хом ашёсини хисоблаш.
2.2.Томат пюреси қадоқлашдан олдин стерелизатсияда фойдаланиладиган кожур қувурли иситгичнинг ички параметрларини хисоблаш.
2.3.Томат пюреси ишлаб чиқаришда 2 корпусли буғлатиш аппарати иш режими параметрларини хисоблаш.
3.боб. Хулоса.
Фойдаланилган адабиётлар рўйхати.


КИРИШ
Мустақиллик даврида Ўзбекистон Республикасининг консерва саноати асоса хусусий тартибда қайта шаклланмоқда. Қишлоқ хўжалик маҳсулотларини қайта ишлаш корхоналарининг ташкил этилиши ва ривожланиши маҳаллий ҳокимиятлар ҳамда
Қишлоқ ва сув хўжалиги вазирлигининг “Ўрта ва кичик бизнесни ривожлантириш”бўлими томонидан назорат қилинмоқда. Бозор иқтисодиётига ўтиш даврида янги корхоналарнинг барпо этилиши, ассортиментнинг ўзгариши эҳтиёждан келиб чиққан ҳолда амалга оширилмоқда. Консерваланган маҳсулот ички бозорни тўлдириш, қўшни мамлакатларга экспорт қилиш учун ишлаб чиқилмоқда. Маҳсулотнинг айрим турлари Европа бозоридан мустаҳкам ўрин олган ва республикамиз учун яхши даромад келтирмоқда. Булар: томатдан тайёрланган пюре ва паста, бўлаклаб қуритилган томат (помидор), пиёз, ўрик, олма, шафтоли; бутун қуритилган ўрик, олхўри, узум меваларидир; шунингдек, олма, узум, анор шарбати ва консентратларидир.
Суюқ ва пастасимон маҳсулотларни сақлаш учун асептик консервалаш усули, узлуксиз ишловчи стериллаш қурилмалари, консерва тарасининг янги турлари, маҳсулотни идишга қуйишнинг юқори унумли усуллари кенг кўламда қўлланила бошлади.
Асептик консервалаш қишлоқ хўжалик маҳсулотлари ёппасига пишган даврда катта идишларда дастлабки қайта ишланган ҳолда уларнинг захирасини яратиш имконини бермоқда. Даладаги пишиқчилик мавсуми тугаганда ушбу маҳсулотни қайта ишлаш жараёни охиригача олиб борилиб майда тараларга қадоқланади.
Натижада консерва корхонасининг ишлаш мавсуми узаяди. Узлуксиз ишловчи стерилизатордан фойдаланилиши консерва заводининг қувватини кескин кўтаради.
Маҳсулот сифати ошишига стандартларнинг қўлланиши сезиларли туртки бўлади.
Ўзбекистон Республикасида ҳозир қисман эски стандартлар, қисман қайта ишланган стандартлар билан биргаликда Европа мамлакатларининг умуман янги бўлган стандартлари амал қилмоқда. Бу борада Давлат стандартлари идорасида ҳам замон талабига мос ҳолда катта ишлар олиб борилмоқда.
Юқори сифатли консерваланган маҳсулот ишлаб чиқариш, хом ашёнинг исроф бўлишига йўл қўймаслик ҳамда хўжалик аъзоларининг транспорт харажатини камайтириш мақсадида консервалаш корхоналари бевосита хўжалик ҳудудида қурилади. Қайта ишлаш чиқитлари хўжаликнинг ўзида қолади ва чорвани боқишда фойдаланилади.
Корхонада ишга хўжалик аҳолиси жалб этилади. Маҳсулот ассортименти: мева ва сабзавот шарбатлари, компот ва мурабболар, сабзавот ва мева маринадлари,газак консервалар, тузламалар ва қуритилган маҳсулотлардан иборат.
Республикамиз қишлоқ хўжалик маҳсулотларини қайта ишлаш соҳасини ҳозирги босқичдаги асосий вазифалари: хом ашё етиштириладиган жойларда
замонавий қайта ишлаш сехлари ва заводларини барпо этиш, дунё бозорида
консерва маҳсулоти ассортименти ва миқдори мавқеини мустаҳкамлаш, келажак учун реал истиқбол режага эга бўлишдир. Корхонанинг ривожланиши, унинг ривожланишини юқори органлар томонидан бошқариш механизми шаклланиши керак.
Ишлаб чиқариш тармоғини инқироздан ҳимоялаш чоралари кўрилиши керак.
Республикамиз қишлоқ хўжалик маҳсулотларини қайта ишлаш соҳасининг ҳозирги босқичдаги асосий вазифалари: хом ашё етиштириладиган жойларда замонавий қайта ишлаш сехлари ва заводларини барпо этиш, дунё бозорида консерва маҳсулоти ассортименти ва миқдори мавқеини мустаҳкамлаш, келажак учун реал истиқбол режага эга бўлишдир.