Microsoft office programmasi

Hu’jjetlerdi baspag’a shıg’arıw

  Hu’jjetti baspag’a shıg’arıwdan aldın, ol qag’azda qanday jaylasıwın aldınnan ko’rip qoyıw maqsetke muwapıq. Bunday imkaniyattı «Predvaritelnıy prosmotr» buyrug’ı jaratıp beredi. Da’slepki ko’riw rejimine usı piktogramma arqalı da kiriw mu’mkin. Da’stlepki ko’riw rejiminen shıg'ıw ushın payda bolg’an aynanın’ piktogrammalar qatarında «Zakrıt» piktogrammasın ishletiw za’ru’r.

Hu’jjetti basıp shıg’arıw ushın «Fayl» menyuının’ «Pechat» buyrug’ı aktivlestiriledi. Natiyjede to’mendegi ayna payda boladı .

Eger bul hu’jettin’ tek ma’lim bo’limin (bir neshe betti) basıp shıg’arıw za’ru’r bolsa, bul betlerdi «Stranitsı» bo’liminde ko’rsetiw kerek. Ma’selen, «Nomera» elementi tan’lan’g’anda basıp etiliwi lazım bolg’an bet yaki bir neshe bettin’ raqamları ko’rsetiledi.

Eger bir bettin’ ma’lim bo’limin basıp shıg’arıw lazım bolsa, kerekli bo’limdi belgilep, joqarıdag’ı aynada «Vıdelennıy fragment» qatarı aldındag’ı shen’berde belgi qoyıladı.

«Chislo kopiy» aynasında nusqalar sanın aldınnan belgilep qoyıw mu’mkin.

Bir neshe nusqada basıp shıg’arılıp atırg’an hu’jjettin’ da’slep birinshi betinin’ barlıq nusqaları, keyin basqasının’ barlıq nusqaların basıp shıg’arıw za’ru’r bolsa, joqarıdag’ı belgini alıp taslaw kerek.

Tek tok yaki jup betlerdi basıp shıg’arıw ushın «Fayl» menyuinen «Pechat» buyrug’ın tan’law kerek. Son’ «Vıvesti na pechat» diziminen «Nechetnıe stranitsı» yaki «Chetnıe stranitsı» belgisin tan’law lazım.

Bir jola bir neshe hu’jjetti basıp shıg’arıw ushın «Otkrıt» tu’ymesi basıladı. «Papka» diziminen kerekli hu’jjetler saqlanatug’ın katalog tan’lanadı. Basıp shıg’arıw lazım bolg’an hu’jjetler belgilenedi. «Komandı i rejimı» tu’ymesin basıp, son’ «Pechat» tu’ymesi yamasa buyrug’ı tan’lanadı.

Bar hu’jjetti tolıq basıp shıg’arıw ushın standart u’skeneler paneli qatarındag'ı piktogramması tan’lanadı.