Mоdda va matеriallarning yonish-pоrtlash хavfi tavsifi

Azot va sulfat kislotalarini saqlashda ularni yog’och, somon va boshqa organik moddalarga tegishiga yo’l qo’ymaslik choralari ko’rilishi lozim.

• Kislotalar saqlanadigan omborlar va bostirma ostida bexosdan to’kilgan kislotalarni yo’qotish uchun tayyor bo’r, ohak va soda eritmasi mavjud bo’lishi lozim. Kislotalar saqlanadigan joy belgilangan bo’lishi lozim.
• Stellajlar mustahkam, saqlanayotgan kimyoviy materiallarning eng yuqori yuklamasiga mo’ljallangan bo’lishi lozim.
• Uriladigan idishlardagi: banka, butil va boshqa sig’imlardagi kimyoviy materiallar, shuningdek kislota va boshqa oson alangalanuvchi suyuqliklarni stellajlarga (ikkinchi yarusdan yuqorida) joylashtirish man etiladi.
• Metalldan yasalgan stellajlar korroziya paydo bo’lishidan hamda metall tara tegib ketganda uchqunlanish imkoniyatidan himoyalangan bo’lishi lozim.
• Yuklash-tushirish ishlari uchun foydalanilayotgan avtotransportni ishlar tugaganidan so’ng omborlar hududida qoldirish mumkin emas.
• Umumiy va mahalliy ventilyatsiya qurilmalari zararli gazlar, bug’lar va changlarni shunday hisoblab yo’qotishni ta’minlashi lozimki, bunda ombor xonalarining havosida ularning miqdori Ruxsat etilgan miqdordan (REM) oshmasligi lozim.
• Ishlar yakunida omborning barcha xonalarida elektr jihozini tokdan uzish lozim. Tokdan uzish uchun xizmat qiladigan rubilnikni ombor xonasidan tashqarida, shkafda yoki eshigi yopiladigan tokchada joylashtirilish lozim.