O‘zbekiston Respublikasi Xalq ta’limi vazirligi
Surxondaryo viloyati xalq ta’limi boshqarmasi
Sariosiyo tumani xalq ta’limi muassasalari faoliyatini
metodik ta’minlash va tashkil etish bo‘limi
3- maktabning
Informatika fani o‘qituvchisi
Qodirov Jamshidning
mavzusida tayyorlagan
(7-sinf uchun)
Sariosiyo-2016
Informatika. 7-sinf. 12-dars
Маvzu: Internetda ma’lumotlarni izlash.
Darsning maqsad va vazifalari:
Dars maqsadlari:
A) Ta’limiy maqsad: O‘quvchilarga qidiruv tizimi yordamida Internet tizimidan
kerakli ma’lumotlarni izlab topish haqida tushuntirish;
B) Tarbiyaviy maqsad: O‘quvchilarni milliy istiqlol g‘oyalari ruhida tarbiyalash,
ularni internet tizimidan vayronkor g‘oyalardan foydalanishga qarshi kurashish
tarbiyasini berish;
C) Rivojlantiruvchi maqsad: O’quvchilarda politexnik ta’lim berish, axborot
zaxiralari haqidagi tasavvurlarini kengaytirish.
Vazifalar:
O‘quvchilarni izlanuvchanlik ruhida tarbiyalash.
O‘quvchilarni axborot zaxiralari haqidagi tasavvurlarini kengaytirish.
Asosiy tushunchalar:
Qidiruv tizimi,
qidiruv satri,
qidirish tugmasi.
Darsga kerakli bo’lgan jihozlar:
Informatika darsligi va plakatlar, tarqatma materiallar tayyorlab qo‘yiladi.
Mavzuga mos elektron qo‘llanmalar kompyuterga yuklab ishchi holatga keltiriladi.
Kompyuterlar Internetga ulanadi.
Darsda qo‘llash mumkin bo‘lgan uslub:
aqliy hujum, klaster, hamma-hammaga o‘rgatadi.
Dars o’tish rejasi:
1. O`qituvchining kirish so`zi.
3( daqiqa)
2. Uyga berilgan ““Internetda ishlashni ta’minlovchi dasturlar””
mavzusiga oid bilimlarni tekshirish.
8 (daqiqa)
3. O‘quvchilar bilimini tekshirish. (xotira mashqi orqali oldingi
o’tilgan mavzuni mustahkamlash –
3 (daqiqa)
4. Yangi mavzu bayoni. O‘qituvchining ma’ruzasi. Mavzuni
Internet orqali amaliy bajarish bilan tushuntiriladi
20(daqiqa)
5. Mavzuni mustahkamlash. (7 daqiqa)
7 (daqiqa)
6. O`quvchilarni rag‘batlantirish, baholash (Baholash uchun rag‘bat
kartochkalari o‘qituvchi tomonidan rag‘bat doirachalari oldindan
tayyorlab qo‘yiladi va ularni dars boshida tushuntirilib o’tadi.
Bunda qizil ranglisi-5 ball, yashil-4 ball, binafsha-3 ball, ko’k-2
ball, sariq-1 ball bilan belgilanadi)
2 (daqiqa)
7. Uyga vazifa berish
2 (daqiqa)
DARSNING BORISHI:
1.Darsning tashkil etilishi:
a) salomlashish, davomatni aniqlash, uy vazifani so’rash;
b) o`quvchilarni darsga hozirlab, sinfga jonli muhit yaratish;
2. Uyga berilgan “Internetda ishlashni ta’minlovchi dasturlar” mavzusiga oid
bilimlarni tekshirish.
O‘qituvchi tomonidan “Internetda ishlashni ta’minlovchi dasturlar” mavzuga
doir “Galereya” metodidan foydalanib o’tilgan bilimlarni qanday egallaganliklari va bu
mavzudan nimalarni bilib olganliklari aniqlanadi. (mazkur mashg‘ulotni o’tkazishdan
avval o’quvchilarni guruhlarga ajratiladi va ularga beriladigan materialni qanday
internet tizimida bajarishlari haqida tanishtiriladi. So‘ng tarqatma materiallar
guruhlarga beriladi. Guruh a’zolari birgalikda fikrlashib tarqatma materialda berilgan
topshiriqni yozma ifodalaydilar. Mavzu bo’yicha imkon boricha to’laroq ma’lumot
berishlari kerak bo’ladi)
1-guruh
Tushunchalar
Mazmuni
Internet Explorer dasturi interfeysini ishga
tushirish usullarini amaliy bajaring va yozing
2-guruh
Tushunchalar
Mazmuni
Internet
Explorer
dasturi
interfeysi
Menyular satri nimalardan iboratligini amaliy
ko‘rsating va yozing
3-guruh
Tushunchalar
Mazmuni
Internet Explorer dasturida uskunalar
panelini tashkil eting, amaliy ko‘rsating va
yozing
Har bir guruh ajratilgan vaqt davomida berilgan topshiriqni bajarib bo’lgach,
guruhdan bir o’quvchi taqdimot qiladi.
O’qituvchi guruhlar javoblarini to’g‘ri yoki noto’g‘riligini izohlab, rag‘bat
doirachalarini tarqatib, o’tilgan mavzuni yakunlaydi.
3. Xotira mashqi orqali oldingi o’tilgan mavzuni mustahkamlash (“Aqliy hujum”
savollari orqali xotirani sinash)
O‘quvchilar (yakka holda) o`qituvchi tomonidan oldindan tayyorlab qo‘yilgan
savollarga javob beradilar.
1-savol Web-brauzerlarning asosiy vazifalari nimadan iborat?
javob:
Web-sahifalarni xotiraga yuklash va ko‘rish;
Web sahifani diskka yozib qo‘yish (saqlash);
WWWdagi adresi bo‘yicha Web-sahifani chaqirish.
2-savol Internet Explorer dasturida Fayl menyusi orqali asosan qanday
ishlar amalga oshiriladi?
Javob: Fayl menyusi orqali asosan Web-sahifani ochish, uni o‘z nomi yoki
yangi nom bilan yozib qo‘yish, Web-sahifani qog‘ozga chop etish, dasturdan chiqish
kabi ishlar amalga oshiriladi
3- savol. Ma’lumotlar oynasidagi Web – sahifani qog‘ozga chop etish uchun
uskunalar panelidagi qaysi tugma bosiladi?
Javob: Web – sahifani qog‘ozga chop etish uchun uskunalar panelidagi “chop
etish” tugmasi bosiladi .
O’qituvchi guruhlar va yakka tartibda javob bergan o’quvchilarni
javoblarini to’g‘ri yoki noto’g‘riligini izohlab, ularni baholaydi.
4. Yangi mavzu bayoni
O‘qituvchini kirish so ‘zi bilan boshlanadi.
Internetdan biror soxaning aniq bir yo’nalishida ma’lumot olish uchun shu
ma’lumot saqlanayotgan URL-adresni bilish zarur. Lekin, URL-adresda, odatda, faylda
saqlanayotgan ma’lumot haqida to’liq yoki umuman axborot bo’lmasligi mumkin.
Ya’ni, URL-adres fayldagi ma’lumot mazmunini aks ettirishi shart emas. Shuning
uchun, Internetdan kerakli ma’lumotlar qanday olinishi juda dolzarb masaladir.
Ma’lumki, Internet – bepoyon axborot ummoni. Axborotlar Internetda millionlab
web-sahifalarda saqlanadi. Bizga kerakli axborot saqlanadigan web-sahifani topish
uchun uning Internetdagi adresini bilish zarur. Ammo Internet soat sayin yangi
axborotlar bilan boyib boradi. Suningdek, ba’zi (eskirgan) axborotlar Internet
tarmog‘idan chiqarib tashlanadi. Internetdagi ko‘p qo‘llaniladigan web-sahifalar
adreslari maxsus spravochniklarda chop etib turiladi. Lekin ulardan to‘liq axborot olib
bo‘lmaydi. Chunki Internetdagi barcha web-sahifalar adreslarini chop etish uchun juda
katta hajmli kitob kerak bo‘ladi. Bu kitob chop etib tugatilmasidan Internetdagi bir
qancha adreslar o‘zgarishi aniq. Bu muammo maxsus Qidiruv tizimlari, ya’ni Internet
tarmog‘idan kerakli axborotni izlab topish uchun hizmat qiluvchi maxsus web-sahifalar
ishlab chiqilishi bilan osonlikcha hal etildi.
yahoo.com
Hozirgi kungacha quyidagi kabi o‘nlab qidiruv tizimlari ishlab chiqilgan:
www.rambler.ru, www.aport.ru, www.yahoo.com, www.yandex.ru, www.lupa.ru,
www.altavista.com
.
Ulardan ko‘p qo‘llaniladiganlari sifatida Rambler, Aport, Yahoo larni keltirish
mumkin. Har bir qidiruv tizimi Internet tarmog‘ida o‘z adresiga ega. Masalan,
yuqoridagi jadvalga ko’ra sanab o‘tilgan qidiruv tizimlari mos ravishda
www.rambler.ru, www.aport.ru va www.yahoo.com adreslarga ega. Qidiruv tizimi
web-brouzer orqali ishga tushiriladi, ya’ni brouzerning adreslar satriga qidiruv
tizimining adresi kiritiladi.
Shu o‘rinda o‘quvchilarga dasrlikdagi 7–yoki 8–topshiriqlar amaliy ishlash uchun
topshirilisa, maqsadga muvofiq bo‘ladi.
Mavzuni mustahkamlash va yakunlash:
Bu bosqichda o‘quvchilarga mavzudagi asosiy tushunchalar bilan bog‘liq savollar
va topshiriqlar bilan murojaat qilish yoki test vazifalarini berish mumkin.
Darslikdagi 1, 2 – mashqlarni bajarish.
Uyga vazifa:
aport.ru
Yandex.ru
Darslikdagi 3 – mashqlar, 3 ta test yoki krossvord yoki skanvord tuzish.
9, 10, 11, 12 – mavzularni takrorlash.
Qo‘shimcha savol va topshiriqlar
1.
Qidiruv tizimlari nima uchun kerak?
2.
Qidiruv tizimlari qanday imkoniyatlarni beradi?
3.
Qidiruv tizimlaridagi .ru yoki .com sifatlari nimani bildiradi?
4.
www.google.uz sayti yordamida tariximizga oid ma’lumotlar oling.
5.
www.ziyonet.uz saytidan informatikaga oid ma’lumotlar oling.
Mashqlar
1.Google.uz saytida “kompyuter” va “dastur” kalit so’zlari yordamida topilgan
sahifalar sonini aniqlang.
2.www.rambler.ru qidiruv tizimi yordamida “компьютер” va “программа” kalit
so’zlari yordamida topilgan sahifalar sonini aniqlang.
3.1-2-mashqlarda olingan sonlarni ikkilik sanoq sistemasida tasvirlang va
taqqoslang.
Testlar
1. Quyidagi Internet-serverlardan qaysi biri qidiruv tizimi?
a) rambler.ru
b) yahoo.com
d) aport.ru
e) barchasi
2. Faqat qidiruv tizimlari ko‘rsatilgan javobni ko‘rsating.
a) Opera, Rambler b) Netscape
Navigator
d) Aport, Yahoo
Mosaic, AdWiper
3. Qidiruv tizimi yordamida quyidagilardan qaysi birini izlash mumkin?
a) qurilmalar uchun zarur dasturlarni
b) ta’limga oid kerakli hujjatlarni
d) qiziqtirgan o’yin dasturlarini
e) barchasini
4. Qidiruv tizimi yordamida quyidagilardan qaysi birini izlash mumkin?
a) yangi filmlarni
b) maktab saytlarini
d) latifalarni
e) barchasini
5. Qidiruv tizimida biror dasturni topish uchun qidiruv satriga nimalarni yozish
mumkin?
a) dastur nomini
b) dasturning vazifasini
d) dasturni ishlab chiqargan firma
nomini
e) barchasini
FOYDALANILGAN ADABIYOTLAR :
1.B.Boltayev, A.Abduqodirov va boshqalar “8-Sinfda informatika va
hisoblash texnikasi asoslari” metodik qo‘llanma. Toshkent 2010 yil
2.B.Boltayev va boshqalar. “7-Sinfda informatika va hisoblash texnikasi asoslari”
metodik qo‘llanma. Toshkent 2008 yil
3.T.X.Xolmatov, N.I.Taylaqov, U.A.Nazarov “Informatika va hisoblash
texnikasi” “O‘zbekiston Milliy ensiklopediyasi” Toshkent 2001
4. Informatika va hisoblash texnikasi asoslari fanidan optimallashgan o‘quv
dasturi va uzvilashgan DTS sharhlari.
5. O‘z pedagogik tajribamdan.
Qodirov Jamshid Shokirovich 1978 yil 13- oktabrda Samarqand viloyati, Oqdaryo
tumanidagi Loyish shaharchasida tavallud topdi.
1996 yil Samarqand Davlat Universitetining “Iqtisodiyot” fakultetiga o’qishga qabul
qilinib, ushbu oily o‘quv yurtini 2000 yilda bitirdi.
2008 yil Surxondaryo viloyat pedagog kadrlarni qayta tayyorlash va malaka oshirish
institutidan matematika fani bo‘yicha qayta tayyorlashdan o‘tdi.
2012 yildan buyon Sariosiyo tumanidagi 3-umumiy o’rta ta’lim maktabida matematika
va informatika fanidan dars berib kelmoqda.
2012 yil informatika fanidan “Yilning eng yaxshi o‘qituvchisi” ko‘rik-tanlovi viloyat
bosqichi ishtirokchisi.
Do'stlaringiz bilan baham: |