O’zbekistonning dunyo axborot maydoni va makonidagi integratsiyalangan mavqei yildan yilga yuqori pog’onalarga ko’tarilmoqda. Mamlakat Prezidenti Sh. M

K I R I SH
O’zbekistonning dunyo axborot maydoni va makonidagi integratsiyalangan mavqei yildan yilga yuqori pog’onalarga ko’tarilmoqda. Mamlakat Prezidenti Sh.M.Mirziyoev 2018 yil yakuni bo’yicha 28 dekabr kuni Oliy Majlisga Murojaatnomasida “Raqamli iqtisodiyot asosida iqtisodiyotning barcha turlarini yangilashni ko’zda tutuvchi, raqamli iqtisodiyotni rivojlantirishning milliy kontseptsiyasini ishlab chiqishimiz va shu asosda “Raqamli O’zbekiston-2030” dasturini joriy etishimiz lozim deb, bu sohadagi asosiy vazifalarni belgilab berdi. Aytib o’tish joizki raqamli iqtisodiyotni rivojlantirish, iqtisodiyotda axborot komplekslari va texnologiyalarini, biometrik, konvergent, nano va hujayra texnologiyalari hamda blokcheyn, kriptovalyuta va kognitiv texnologiyalarni iqtisodiyotni samaradorligini uning raqobatbardoshligini oshirishda muvaffaqiyat bilan qo’llashni taqozo qiladi.
Mamlakatimizda jismoniy sog‘lom, ma’naviy etuk, har tomonlama uyg‘un va barkamol rivojlangan, mustaqil fikrlaydigan, intellektual salohiyatga, chuqur bilim va zamonaviy dunyoqarashga ega, Vatanimizning taqdiri va kelajagi uchun masuliyatni o‘z zimmasiga olishga qodir bo‘lgan yosh avlodni tarbiyalab voyaga etkazish bugun har bir pedagog oldidagi ulkan masuliyatli vazifadir. XXI asr chin ma’noda axborot asri bo‘lib kelmoqda. Jamiyat hayotining barcha jabhalarida axborot hal qiluvchi kuch vazifasini o‘tamoqda. “Kimki haqiqiy axborotga ega bo‘lsa, u dunyoga hukmronlik qiladi” degan naql bugungi kunda o‘z tasdig‘ini topmoqda. Mamlakatimizda ham kompyuterlashtirishni yanada rivojlantirish hamda axborot-kommunikatsiya texnologiyalarini joriy etish to‘g‘risida bir qancha qaror va farmoyishlar e’lon qilindi. Bunga misol qilib 30.05.2002-yildagi PF-3080, O‘zbekiston Respublikasining jamoat ta’lim axborot tarmog‘ini tashkil etish to‘g‘risidagi, zamonaviy axborot-kommunikatsiya texnologiyalarini yanada joriy etish va rivojlantirish chora-tadbirlari to‘g‘risidagi PQ-1730 21.03.2012-yil, O‘zbekiston Respublikasi Milliy axborot-kommunikatsiya tizimini yanada rivojlantirish chora-tadbirlari to‘g‘risidagi PQ-1989 26.03.2013-yil, O‘zbekiston Respublikasi Axborot texnologiyalari va kommunikatsiyalarini rivojlantirish vazirligini tashkil etish to‘g‘risidagi PF-4702 04.02.2015-yil, O‘zbekiston Respublikasi Vazirlar Mahkamasining 2015 yil 4 dekabrdagi “2016-2018 yillarda O‘zbekiston tijoratni rivojlantirish konsepsiyasini tasdiqlash to‘g‘risida”gi 353-son kabi qaror va farmonlarni keltirish mumkin, shu bilan birgalikda bu kabilar sohaga katta e’tibor berilayotganligidan dalolat berib turibdi. Iqtisodiy islohotlarni amalga oshirish jarayonida turli xil mulk shaklidagi xo‘jalik sub’ektlarining yuqori iqtisodiy samaradorlikka erishish yo‘lidagi faoliyatlari bozorda iste’molchilar va ishlab chiqaruvchilar manfaatlari tengligi asosida iste’mol bozorining aholi ehtiyojlarini qondirish va shu orqali ularning turmush sharoitlarini yaxshilash hamda farovonligini yanada oshirishni nazarda13 tutadi. Bunday ulkan vazifalarni amalga oshirishda mulk shaklidan qat’iy nazar, barcha xo‘jalik sub’ektlarining informatsion texnologiyalardan keng miqyosda foydalanishi muhim ahamiyatga ega. Bizning mamlakatimizda, 2017-2021 yillarga mo‘ljallangan Harakatlar strategiyasida ham ustuvor yo‘nalishlaridan biri qilib “Kichik biznes va tadbirkorlikning izchil rivojlanib borishini ta’minlash belgilangagligi”, bu sohada axborot kommunikatsiya texnologiyalarini yanada tizimli qo‘llash kerakligini davlatning asosiy vazifasi sifatida e’tibor berishi muhim ahamiyatga egaligi qayd etilgan. Bu vazifani amalga oshirishda tadbirkorlik va biznesda yangi zamonaviy dasturiy vositalar hamda avtomatlashtirilgan tizimlarni keng miqyosda qo‘llash va ularni mamlakatimiz hisob siyosati orqali barcha jabhalarga tadbiq etish iqtisodiy samarani ancha oshirishga imkon beradi. Boshqaruv faoliyatidagi avtomatlashtrilgan axborot texnologiyalarining dolzarbligi oliy ta’limning Davlat standartlariga “Iqtisodiyotda axborot komplekslari va texnologiyalari” fanining kiritilishi bilan izohlanadi.
Mavzu: Iqtisodiyotda axborot komplekslari va texnologiyalari