Toshkent davlat texnika universiteti tarixi, strukturasi, fakultetlari va kafedralari haqida ma’lumot

3-mavzu

TOShDTU TARIXI, STRUKTURASI, FAKULTETLARI VA KAFEDRALARI. MAShINASOZLIK FAKULTETI. «YeR USTI TRANSPORT TIZIMLARI» KAFEDRASI TO‘G‘RISIDA MA’LUMOTLAR. TOSh DTU DA TALABALARNING O‘QUV VA MUSTAQIL TA’LIM OLISh IMKONIYaTLARI (ARS, KAFEDRA KUTUBXONASI, INTERNET MANBALARIDAN FOYDALANISh VA B.)

Toshkent davlat texnika universiteti tarixi, strukturasi, fakultetlari va kafedralari haqida ma’lumot

OO‘Yu ma’muriy strukturasi

Universitetni rektor boshqaradi.

O‘quv jarayonining hamma masalalari bo‘yicha uning o‘rinbosari–o‘quv ishlari bo‘yicha prorektor shug‘ullanadi. O‘quv jarayonini tashkil qilish universitet o‘quv-uslubiy boshqarma boshlig‘iga yuklanadi. Uning qo‘l ostida dispetcherlar, uslubiyatchilar, o‘quv jarayonining ma’muriy boshqaruvchisi, o‘qishni texnikaviy tashkil qilish (O‘TTQ) bo‘limi va texnik xizmatchilar faoliyat olib boradilar.

Ilmiy tadqiqot ishlarini tashkil qilishga ilmiy ishlar bo‘yicha prorektor rahbarlik qiladi. Unga ilmiy tadqiqot bo‘limi (ITB), ixtisoslashtirilgan ilmiy tadqiqot laboratoriyalari (IITL) bo‘ysunadi.

Universitet ma’muriy-xo‘jalik ishlarini tashkillashtirish va boshqarish uchun ma’sul ma’muriy-xo‘jalik ishlari (MXI) bo‘yicha prorektor hisoblanadi.

Har bir fakultet rahbari dekan hisoblanadi. U fakultetda talabalarning o‘qishini, hayot sharaoitlarini yaxshilash va dam olishini tashkillashtirish ishlariga umumiy rahbarlik qiladi. Dekanning to‘rtta shtatda ishlovchi (1, 2- kurslar uchun, 3,4-kurslar uchun va magistrlar uchun va ma’naviy ma’rifiy ishlar va ilmiy ishlar bo‘yicha) o‘rinbosarlari bor.

Fakultet tarkibida faoliyat ko‘rsatayotgan kafedralar mudirlari ham dekanga bo‘ysunadilar. Kafedralarning professor-o‘qituvchilari va xodimlari o‘quv, ilmiy, ishlab chiqarish, tarbiyaviy va mustaqil ishlarni tashkil qiladilar va olib boradilar.

Dekan fakultet Davlat imtihon komissiyasining a’zosi, universitet qabul komissiyasining a’zosi, yosh mutaxassislarni ishga taqsimlash komissiyasining a’zosi hisoblanadi.

Fakultet faoliyatining asosiy masalalarini ko‘rib chiqish uchun dekanatda fakultet kengashi tashkil qilingan.

Universitetga kirgan abiturientlardan talabalar guruhlari tashkil qilinadi va dekan farmoyishiga ko‘ra har bir guruh uchun sardorlar tayinlanadi. Sardor dekan tasdiqlagan maxsus qarordagi faoliyat funksiyalari asosida faoliyat olib boradi. Guruhlarga sardor va guruh faollari bilan hamkorlikda guruhning hamma ishlarini nazorat qilib boruvchi va tarbiyaviy hamda ma’naviy-ma’rifiy ishlar bilan shug‘ullanuvchi murabbiy tayinlanadi.