1. Globallashuv fanining predmeti. Fanning maqsadi va vazifalari

5. Fanning o‘quv rejadagi boshqa fanlar bilan o‘zaro bog‘liqligi, uslubiy jihatidan uzviyligi va ketma-ketligi

«Globallashuv va ma’naviyat» fani bir semestrga mo‘ljallangan bo‘lib, eng avvalo o‘quv rejasidagi gumanitar va ijtimoiy-iqtisodiy fanlari bilan uzviy aloqada. U fan sifatida o‘z maqsadi, fazifalari, ob’ekti, predmeti va uslubiyatiga suyanib ish ko‘rish bilan birga Ma’naviyatning ilmiy metodologiyasi, Ma’naviyat va din, SHarq va g‘arb ma’naviyati kabi mutaxassislik fanlari bilan uzviy ketma-ketlik asosida o‘qitiladi.

“Globallashuv va ma’naviyat” fanini o‘qitishda zamonaviy pedagogik texnologiyalarning fan xususiyatidan kelib chiqqan holda deyarli barchasi tadbiq etilishi mumkin. Xususan, ma’ruza va seminarlar “Aqliy hujum”, “Klaster”, “Bumerang”, “Menyu”, “B/B/B”, “Munozara”, “Rezyume” singari metodlar, slaydlar, multmedia namoyishlari bilan o‘tkaziladi.

Ushbu fanda: Globallashuv jarayonlarining mohiyati, uning jamiyat hayotidagi ijobiy va salbiy jihatlari; globallashuv jarayonlarida millat va milliy o‘zlikni anglash masalalari; globallashuvning milliy rivojlanishga ta’siri va uning oqibatlari: globallashuv sharoitida hayotning ma’nosi, bunda axloq va e’tiqodning o‘rni; global inqirozlar davrida yuksak ma’naviyatning dolzarbligi; madaniyat, sivilizatsiya va taraqqiyot tushunchalari nisbati; globallashuv, sharqona demokratiya va ma’naviyat; milliy taraqqiyotning ma’naviy-axloqiy negizlari; global dunyoqarash – globallashuvning ma’naviy asosi; globallashuv davrida ma’naviyatni anglash; globallashuv davrida ma’naviy tahdidlarning namoyon bo‘lishi; ma’naviy tahdid – o‘zligimiz va kelajagimizga tahdid; ma’naviy tahdidni oldini olishda oila va mahallaning o‘rni; globallashuv sharoitida yoshlar ma’naviyati; globallashuv davrida ma’naviyatni rivojlantirishning konseptual asoslari; globallashuv sharoitida ma’naviy taxdidlarni bartaraf qilish yo‘lari; mafkuraviy immunitet va g‘oyaviy kurashchanlikni shakllantirish (I.A.Karimov asarlari asosida) kabi mavzular o‘qitiladi.