1. Ijtimoiy-madaniy masalalar / Uy-joy qonunchiligi. Kommunal xizmat

T/r	Hududlar nomi
Sotib olinadigan kvartiralarning umumiy soni
Respublika bo‘yicha jami		1 000
1.	Qoraqalpog‘iston Respublikasi	60
2.	Andijon viloyati	65
3.	Buxoro viloyati	50
4.	Jizzax viloyati	45
5.	Qashqadaryo viloyati	60
6.	Navoiy viloyati	50
7.	Namangan viloyati	90
8.	Samarqand viloyati	90
9.	Surxondaryo viloyati	50
10.	Sirdaryo viloyati	40
11.	Toshkent viloyati	100
12.	Farg‘ona viloyati	110
13.	Xorazm viloyati	80
14.	Toshkent shahri	110

* 2022-yilda xotin-qizlar, nogironligi bo‘lgan shaxslar, yetim bolalar va ota-ona qaramog‘idan mahrum bo‘lgan bolalar uchun uy-joylarni sotib olish ko‘rsatkichlariga, zarur hollarda, Iqtisodiy taraqqiyot va kambag‘allikni qisqartirish vazirligi hamda Moliya vazirligi takliflari asosida Vazirlar Mahkamasi tomonidan tegishli o‘zgartirishlar kiritilishi mumkin.
O‘zbekiston Respublikasi Prezidentining 2021-yil 9-dekabrdagi PF-33-son Farmoniga
6-ILOVA
O‘zbekiston Respublikasi Prezidentining ayrim hujjatlariga kiritilayotgan o‘zgartirish va qo‘shimchalar
1. O‘zbekiston Respublikasi Prezidentining 2019-yil 28-noyabrdagi “Ipoteka krediti mexanizmlarini takomillashtirishga oid qo‘shimcha chora-tadbirlar to‘g‘risida”gi PF-5886-son Farmonida:
a) 3-bandning “a” kichik bandida:
uchinchi xatboshidagi “tanlov savdolari” so‘zlari “elektron onlayn auksion savdolari” so‘zlari bilan almashtirilsin;
to‘rtinchi xatboshi chiqarib tashlansin;
beshinchi — sakkizinchi xatboshilar tegishlicha to‘rtinchi — yettinchi xatboshilar deb hisoblansin;
to‘rtinchi xatboshi quyidagi tahrirda bayon etilsin:
“ko‘p qavatli uy-joylarning qurilish osti yer uchastkalari tadbirkorlik subyektlariga elektron onlayn-auksion orqali ijara huquqi asosida lotlarga bo‘lingan yoki yaxlit ko‘rinishda O‘zbekiston Respublikasi Prezidentining 2021-yil 8-iyundagi PF-6243-son Farmoniga muvofiq realizatsiya qilinadi”;
beshinchi xatboshidagi “tanlov savdolarida” so‘zlari “elektron onlayn-auksion savdolarida” so‘zlari bilan almashtirilsin;
b) 4-bandda:
birinchi xatboshidagi “shaharlarda va qishloq joylarda uy-joy hisoblangan qiymatining 85 foizidan” so‘zlari “har yili tasdiqlanadigan ipoteka kreditining eng ko‘p miqdoridan” so‘zlari bilan almashtirilsin;
uchinchi xatboshi quyidagi tahrirda bayon etilsin:
“ipoteka kreditining eng ko‘p miqdori har yili Iqtisodiy taraqqiyot va kambag‘allikni qisqartirish vazirligi tomonidan Moliya vazirligi hamda Qurilish vazirligi bilan kelishgan holda uy-joyning hisoblangan qiymatidan kelib chiqib belgilanadi va har olti oyda qayta ko‘rib chiqiladi”;
to‘rtinchi xatboshidagi “uy-joyning hisoblangan qiymatidan” so‘zlari “ipoteka kreditining eng ko‘p miqdoridan” so‘zlari bilan almashtirilsin;
v) 6-bandda:
birinchi — uchinchi xatboshilar quyidagi tahrirda bayon etilsin:
“Belgilansinki, yangi tartib doirasida:
subsidiya taqdim etish to‘g‘risidagi xabarnomani olgan shaxslar ipoteka krediti bo‘yicha boshlang‘ich badalning uy-joy qiymatining kamida 5 foiziga teng bo‘lgan qismini o‘z mablag‘lari hisobidan shakllantiradi;
sotib olinadigan kvartira joylashuvi, qiymati va maydonidan qat’i nazar, ipoteka krediti bo‘yicha dastlabki badalning bir qismini qoplash uchun subsidiyalar — qat’iy belgilangan 32 million so‘m miqdorida, foiz to‘lovlarining bir qismini qoplash uchun subsidiyalar — kredit muddatining birinchi besh yili davomida 10 foizlik punktdan oshgan qismiga to‘lanadi;
dastlabki badal va foiz to‘lovlarining bir qismini qoplash uchun subsidiyalar sotib olinayotgan kvartiraning narxi ipoteka kreditining eng ko‘p miqdoridan oshgan taqdirda ham to‘lanadi. Bunda, sotib olinadigan kvartiraning narxi ipoteka kreditining eng ko‘p miqdoridan oshgan taqdirda, qiymatning qolgan qismi qarz oluvchi tomonidan o‘z mablag‘lari va qonunchilikda belgilangan boshqa mablag‘lar hisobidan dastlabki badal summasini oshirish orqali to‘lanadi”;
to‘rtinchi xatboshi beshinchi xatboshi deb hisoblansin.
2. O‘zbekiston Respublikasi Prezidentining 2021-yil 11-martdagi “Bozor tamoyillariga asoslangan ipoteka kreditlarini ajratish orqali aholini uy-joy bilan ta’minlashga oid qo‘shimcha chora-tadbirlar to‘g‘risida”gi PF-6186-son Farmonida:
a) 1-bandda:
to‘rtinchi xatboshidan “shaharlarda va qishloq joylarda” so‘zlari chiqarib tashlansin;
beshinchi — yettinchi xatboshilar quyidagi tahrirda bayon etilsin:
“ipoteka kreditining eng ko‘p miqdori va dastlabki badalning bir qismini qoplash uchun subsidiya miqdori har yili Iqtisodiy taraqqiyot va kambag‘allikni qisqartirish vazirligi tomonidan Moliya vazirligi hamda Qurilish vazirligi bilan kelishgan holda uy-joyning hisoblangan qiymatidan kelib chiqib belgilanadi va har olti oyda qayta ko‘rib chiqiladi;
sotib olinadigan kvartira joylashuvi, qiymati va maydonidan qat’i nazar, ipoteka krediti bo‘yicha dastlabki badalning bir qismini qoplash uchun subsidiyalar — qat’iy belgilangan 32 million so‘m miqdorda, foiz to‘lovlarining bir qismini qoplash uchun subsidiyalar kredit muddatining birinchi besh yili davomida 10 foizlik punktdan oshgan qismiga to‘lanadi;
ipoteka krediti bo‘yicha dastlabki badal va foiz to‘lovlarining bir qismini qoplash uchun subsidiyalar sotib olinayotgan kvartiraning narxi ipoteka kreditining eng ko‘p miqdoridan oshgan taqdirda ham to‘lanadi. Bunda, sotib olinadigan kvartiraning narxi ipoteka kreditining eng ko‘p miqdoridan oshgan taqdirda, qiymatning qolgan qismi qarz oluvchi tomonidan o‘z mablag‘lari va qonunchilikda belgilangan boshqa mablag‘lar hisobidan dastlabki badal summasini oshirish orqali to‘lanadi”;
b) 2-bandning beshinchi xatboshisidagi “2021-yil 1-oktabrga” so‘zlari “2022-yil 1-yanvarga” so‘zlari bilan almashtirilsin;
v) 14-bandda:
“a” kichik banddagi “9” raqami “7” raqami bilan almashtirilsin;
“e” va “j” kichik bandlar quyidagi tahrirda bayon etilsin:
“e) 2023-yil 1-yanvarga qadar:
“Yangi O‘zbekiston” massivlarida, shuningdek, oldingi yillarda barpo etilgan massivlarda va ularning bo‘sh turgan yer uchastkalarida uy-joy quruvchi tashkilotlar uchun sement hamda metall prokatini sotish bo‘yicha alohida birja savdo seksiyasi joriy qilinadi;
sement mahsulotini (TIF TN kodi 2523) O‘zbekiston Respublikasi hududiga olib kirishda bojxona bojining nol stavkasi qo‘llaniladi.”;
g) 17-bandning ikkinchi xatboshisi chiqarib tashlansin;
uchinchi xatboshi ikkinchi xatboshi deb hisoblansin;
d) 19-banddagi “2021” raqami “2022” raqami bilan almashtirilsin;
e) 2-ilova quyidagi tahrirda bayon etilsin:
“O‘zbekiston Respublikasi Prezidentining 2021-yil 11-martdagi PF-6186-son Farmoniga
2-ILOVA
2021-yilda yangi tartib doirasida ipoteka kreditlari bo‘yicha subsidiyalar ajratishning
MAQSADLI PARAMETRLARI*

mlrd so‘m