1. Iqtisodiyot / Axborot va axborotlashtirish. Elektron tijorat

T/r	Chora-tadbirlar	Amalga oshirish mexanizmi	Ijro muddatlari
Mas’ul ijrochilar
I. Dasturiy mahsulotlar va axborot texnologiyalari texnologik parki rezidentlarini qo‘llab-quvvatlash
1.	Dasturiy mahsulotlar va axborot texnologiyalari texnologik parki (keyingi o‘rinlarda — Texnopark) rezidentlari tomonidan amalga oshirilishi mumkin bo‘lgan faoliyat turlarini kengaytirish.	Vazirlar Mahkamasining 2019-yil 15-iyuldagi 589-son qaroriga quyidagilarni nazarda tutuvchi o‘zgartirish va qo‘shimchalar kiritish: a) Texnopark rezidentlari tomonidan amalga oshirilishi mumkin bo‘lgan faoliyat turlari ro‘yxatini tasdiqlash, bunda quyidagi faoliyat turlarini joriy etish: dasturiy ta’minotni ishlab chiqish, takomillashtirish, joriy etish va texnik qo‘llab-quvvatlash, dasturiy ta’minotga bo‘lgan huquqlarni taqdim etish; o‘zga dasturiy ta’minotni takomillashtirish, buyurtma asosida dasturiy ta’minotni hamda dasturiy-apparat komplekslarini ishlab chiqish; o‘z dasturiy ta’minotidan foydalangan holda ma’lumotlarni qayta ishlash hamda bulutli hisoblash texnologiyalari asosida xizmat ko‘rsatish, reklama uchun joy taqdim etish yoki boshqa qo‘shimcha daromad olish; axborot-kommunikatsiya texnologiyalari sohasida, shu jumladan internet tarmog‘i orqali ta’lim berish faoliyati; kompyuter o‘yinlarini ishlab chiqish, loyihalash hamda ularni sotish, avtomatlashtirilgan boshqaruv tizimini ishlab chiqish, joriy etish va boshqalar. b) biznes-rejalar va auditorlik hisobotlari asosida rezidentlar faoliyatini tahlil qilish mexanizmini joriy etish.	2020-yil sentyabr	Axborot texnologiyalari va kommunikatsiyalarini rivojlantirish vazirligi (Axborot texnologiyalari vazirligi), Moliya vazirligi, Davlat statistika qo‘mitasi, Dasturiy mahsulotlar va axborot texnologiyalari texnologik parki direksiyasi (Direksiya)
2.	Axborot texnologiyalari yo‘nalishidagi mahsulotlarga salohiyatli buyurtmachilarni aniqlash hamda hamkorlarni jalb qilish maqsadida Amerika Qo‘shma Shtatlarida Texnopark vakolatxonasini ochish.	1. Amerika Qo‘shma Shtatlarida Texnopark vakolatxonas�ni ochish bo‘yicha choralar ko‘rish. 2. Texnopark vakolatxonasi faoliyatini samarali tashkil etish maqsadida kerakli mutaxassislarni jalb qilish.	2020-yil noyabr 2021-yil yanvar	Axborot texnologiyalari vazirligi, Tashqi ishlar vazirligi, Direksiya