1-laboratoriya ishi Rangtasvir asarlarining ekspertizasining o‘ziga xos xususiyatlari Laboratoriya ishining maqsadi

Rangtasvir asarining tahlili

1.Asar muallifi Rembrandt Xarmens van Reyn. Gollandiyalik mashhur rassom, gravyurachi. Rembrandt 1606 yil 15-iyulda Gollandiyaning Leyden shahrida oddiy tegirmonchi oilasida tug’ilgan, 1669 yil 63 yoshida vafot etgan. Asar nomi : “Adashgan o’g’ilning qaytishi” 1666-1669 yillar oralig’ida umrining so’ngi yillarida yaratilgan. Kartina diniy mavzuda yaratilgan bo’lib, Yangi Ahdning adashgan o’g’il haqidagi hikoyasi asos qilib olingan. Hikoyada o’g’il otasidan yarim merosni olib, uydan chiqib ketadi. Maishatga berilib ketgan o’g’il asar so’ngida nochor holda o’z uyiga qaytib otasidan kechirim so’raydi. Kartinada aynan hikoyaning oxirgi qismi o’g’ilning afsuslanib otaning yoniga qaytib kelish holati aks ettirilgan.

Kartina diniy mavzuda yaratilgan mahobatli rangtasvir. Asar moybo’yoqda diniy-mifologik janrda ishlangan. Rassom uchun janrning xarakterligi rassom mazkur diniy voqealarni tasvirlash orqali umrining so’ngi yillaridagi ichki kechinmalarini ifodalab bergan.

Asarda rassom Bibliyadagi voqeaning aynang so’ngi qismini ya’ni o’g’ilning afsuslanib qaytib kelish holatini asosiy sujet sifatida tanlagan. Asarda adashgan o’g’il, ko’zi ojiz ota, ularni kuzatib turgan akalari, ukasi va onasi tasviri ishlangan. Kartinada ko’plab ramziy belgilar qo’llanilgan. Bulardan rasmdagi adashgan o’g’ilning akalari, ukasi va onasi ya’ni to’rtta obraz bu ishonch, umid, sevgi, tavba va haqiqatni anglatadi.Shuningdek adashgan o’g’il belidagi bo’sh turgan pichoq g’ilofi mol-dunyodan ayrilganlik, qashshoqlik ramzidir. Ustunning yuqori qismida tasvirlangan nay chalib o’tirgan odam relyefi bu o’g’ilning kechirilishidan keying xursandchilik ramzi bo’lib kelgan.

Kartinada qizil,sariq va qora ranglardan foydalanilgan, fon juda qorong’u shakilda berilgan. Soya-yorug’ o’yinlari mohirlik bilan ishlangan bo’lib, rassom eng muhim g’oyani yorug’lik tushurish bilan ta’kidlaydi va bu tomoshobinning butun diqqatini jalb qiladi. Rembrant yorug’likni mohirlik bilan tasvirlay olganligi uchun ham uni yorug’lik va soyaning ulug’ ustozi deb ham atashgan. Rassom asardagi obrazlarni barcha detallarni bir biriga uzviy bog’langan holda ifodalab bergan.

8.Rassom kartinadagi har bir detalga alohida e’tibor berib ishlagan. Adashgan o’g’il egnidagi yirtilgan kiyimlari, bo’sh turgan pichoq g’ilofi, oyoq kiyimining bittasi yerga tushib qolgani, yirtilgan oyoq kiyim bularning hammasi o’g’ilning boshidan kechirganlarini ifodalab turibti. Yoki otaning boy zodagonligi uning ustidagi qizil kiyimi va qo’lidagi taqinchoqlari bilan ifodalanib berilgan. Bularning barchasi har bir detalga alohida e’tibor berilishi natijasida yuzaga kelgan.

Har bir tomoshobin asarga qarar ekan adashgan o’g’il qiyofasida bir muddat o’zini tassavvur qiladi. Bugungacha qilgan barcha ishlarini o’ylashga majbur qiladi.