1-мавзу. Давлат ва ҳУҚУҚ назариясининг предмети ва методлари назорат учун муаммоли саволлар (казуслар)

1-МАВЗУ.
ДАВЛАТ ВА ҲУҚУҚ НАЗАРИЯСИНИНГ ПРЕДМЕТИ ВА МЕТОДЛАРИ
Назорат учун муаммоли саволлар (казуслар)


1. Давлат ва ҳуқуқ назарияси юридик фанлар тизимида умумий, фундаментал ва методологик фан сифатида майдонга чиқади. У бир томондан, ижтимоий йўналиш ва мазмунга, иккинчи томондан, юридик воқеликни, давлат ва ҳуқуқ ҳодисаларини илмий, назарий жиҳатдан таҳлил этиш хусусиятига эга. Давлат ва ҳуқуқ назариясининг бошқа юридик фанлар билан алоқаси айнан шунда намоён бўлади.
Мазкур фаннинг юридик фанлар тизимидаги ўрнини атрофлича муҳокама қилинг.


2. Назария кенг маънода воқеа-ҳодисаларнинг ўзаро алоқаси ва қонуниятлари ҳақида яхлит тасаввур ҳосил қилувчи илмий билим шакли бўлса, давлат ва ҳуқуқ назарияси давлат-ҳуқуқий ҳодисаларнинг вужудга келиши, ривожланиши ва амал қилишини ўрганувчи умумназарий юридик қонуниятлар ҳақидаги билимлар тизимининг йиғиндиси ҳисобланади. Давлат ва ҳуқуқ назарияси назарий фан бўлиши билан бир қаторда амалиётга йўналтирилган фандир. Фаннинг мазкур хусусияти юзасидан турли фикрлар билдирилади.
Масалани атрофлича муҳокама қилинг.