1. Pichano‘rgichlar. Pichano‘rgich-ezgich va pichano‘rgich-maydalagichlar. Pichan presslagichlar

2.Pichano‘rgich-ezgich va pichano‘rgich-maydalagichlar
Pichan uchun o‘riladigan o‘tlar tarkibidagi karotin, protein va boshqa foydali moddalar poyalarning o‘zida emas, ularning bargi va gullarida bo‘ladi. O‘rilgan o‘tning bargi va guli poyaga nisbatan tez quriydi. Poyaning qurishini kutilsa, oldin qurib ulgurgan gul va barglardagi foydali moddalar quyosh nuri ta’sirida kamayib ketadi. SHu sababli, pichanbop o‘tni tezroq quritish uchun uni o‘rish bilan bir vaqtda poyalarini ezish zarur bo‘ladi.
O‘ziyurar pichano‘rgich-ezgich pichanbop o‘tlarni o‘rib, ezib, ensiz umlarga to‘plab, qisman quritish uchun dalaga tashlab ketadi (56-rasm). Bunday pichano‘rgich yurituvchi qism 9 va o‘rgich 1 dan tuzilgan. O‘rgich ish holatida to‘rtta boshmoqqa tayanib, yuradi, uni gidrotsilindrlar ko‘tarib-tushiradi. Asosiy qismlari: o‘rish apparti 2, motovilo 4, uzatuvchi shnek 5, ezuvchi jo‘va 7,8 lar, uyumlovchi moslamalardan 6 iborat.



rasm. Pichano‘rgich ezgichning texnologik jarayoni sxemasi.

Pichano‘rgichga segment-barmoqli, baland o‘ruvchi apparat o‘rnatilgan. Segmentlar tig‘i kertiklangan. Motovilo 4 poyalarni o‘rtaga to‘plab, 2,0 m kenglikka keltirilib ezuvchi jo‘va 7, 8 larga uzatadi. Ezuvchi apparat qirrali ikkita jo‘valardan iborat bo‘lib, ustki jo‘va pastkiga prujina yordamida siqib qo‘yilgan. Prujinaning siqilish kuchini sozlab, poyalarning ezilish darajasi o‘zgartiriladi.

Texnologik jarayon quyidagicha badjariladi. Eguvchi brus baland poyalarni engashtirib, ularni kesishga sharoit tug‘diradi. Kesilgan poyalar shnekka uzatiladi. Undan uzatilgan poyalarni jo‘valar sindirib, ezadi. Ezilgan poyalar ensiz uyum qatori ko‘rinishida erga tushib qoladi.
Boshmoqlarga tushadigan yuk 200-250 N bo‘lishini muvozanatlovchi prujinalar yordamida, o‘rish balandligini (min 8 sm) boshmoqlar balandligini o‘zgartirish hisobiga sozlanadi. SHaroitga qarab, o‘rish apparatining boshmoqlari gorizontal yoki oldiga engashtirilgan holda o‘rnatiladi.
Bunday pichano‘rgichning ezuvchi jo‘valarini echib olib, g‘allani o‘rib, qatorga uyumlab ketishda foydalanish mumkin.
Pichano‘rgich-maydalagich rotorli o‘rish apparatiga ega. Mashina tirkama bo‘lib, ikkita g‘ildirakka tayanib yuradi. Haraktlanayotgan mashinaning to‘sig‘i poyalarni oldinga engashtiradi, natijada, ularning sirti tarnglashib pichoqlarning kesishi osonlashadi. Pichoqlar o‘tmas tig‘li bo‘lib, bolg‘achalarga o‘xshaydi, ularning chiziqli tezligi juda katta bo‘lganligi sababli, poyalarni kesmasdan, zarba hisobiga uzib oladi. Pichoq tig‘i qalin bo‘lgani uchun kesaklarga tegsa ham shikastlanmaydi, faqat osilgan sharniri atrofida vaqtincha burilib qoladi.
ko‘zg‘almas pichoqqa nisbatan kichik tirqishdan olib o‘tilayotgan poyalar qo‘shimcha maydalanadi va kata tezlik bilan quvurning ichiga irg‘itilib, o‘rgichga tirkab qo‘yilgan transport vositasiga yuklanadi. Bunday pichoq yo‘g‘on va dag‘al poyalarni, hatto g‘o‘zapoyani o‘rishda ham ishlatilishi mumkin.