1-topshiriq. Quyidagi so‘z birikmalari yordamida “Bahor” mavzusida kichik hikoya yozing

1-topshiriq. Quyidagi so‘z birikmalari yordamida “Bahor” mavzusida kichik hikoya yozing.
Quyoshli kun, bulutsiz havo, toza shamol, oppoq gul, keng dala, quvnoq kulgu, a'lo o‘qish, maroqli dam, uyga qaytmoq.
Bahor.
Malika qo’g’irchog’ini qo’ltiqlagancha ko’chaga chiqdi. Quyoshli kun atrofni qizdira boshlagan mahal. Bulutsiz havo Malikaning jon-u dili. Toza shamol sochlaridagi jamalakni uchirib, ichidagi qo’ng’iroqchalarni jiringlatardi. U xuddi o’zi kabi quyoshda toblanib o’tirgan Rohilani ko’rdi. Yoniga borib dalada birga o’ynashni taklif qildi. Ular Malikalarning uyi orqasidagi keng dalaga o’tishdi. U yerda ochilgan oppoq gullar kishining bahri dilini ochadi. Zum o’tmay ikki qizaloqning shodon qiyqirig’i, quvnoq kulgusi hovlida kir yuvayotgan onasiga, tomorqada ishlayotgan dadasiga eshitila boshladi.
Malika kelasi bahorda shu paytlar birinchi sinfni tugatayotgan bo’ladi. Shuning uchun u kuz kelishini intiqlik bilan kutmoqda. Chunki u maktabda xuddi bog’chadagi singari eng faol o’quvchi bo’lib, a’lo baholarda o’qimoqchi. Hozir esa qo’shni qiz bilan maroqli dam olmoqda. Ular tushlik vaqti bo’lib, Rohilahonning uyiga qaytadigan vaqti bo’lguncha shu yerda birga o’ynashadi.