1. Umumiy ma’lumotlar. Yong’inni o’chirish moddalari va ularning xossalari. Yong’inga qarshi suv ta’minoti

YONG’IN XAVFSIZLIGINI TA’MINLASH ASOSLARI


Reja:


1. Umumiy ma’lumotlar.
2. Yong’inni o’chirish moddalari va ularning xossalari.
3. Yong’inga qarshi suv ta’minoti.
4. Yong’in xavfsizligi sitemasiga talablar.
5. O’t o’chirgichlar, o’t o’chirish qurilmalari va mashinalari. Yong’in muxofazasini tashkil etish va yong’inni o’chirish.


1. Umumiy ma’lumotlar


YOng’in - maxsus joydan boshqa joyda yonuvchi, moddiy zarar keltiruvchi va nazorat qilib bo’lmaydigan yonish jarayonidir.
YOng’inning odam va hayvonlarga ta’sir qiluvchi xavfli va zararli omillari: ochiq yong’in, atrof-muhit va narsalarning yuqori harorati, toksik moddalarni yonishi, tutun, havo tarkibida kislorod konsentrasiyasining kamayishi, qurilish konstruksiyalarining qulayotgan qismlari; portlashdagi to’lqin zarbi, otilayotgan qismlar va zararli moddalar hisoblanadi.
YUqorida qayd qilingan omillarning xavfliligi yong’inni davom etish vaqtiga (T_yo) bog’liq bo’ladi va quyidagi formula bo’yicha aniqlanadi.


T_yo=N/ , (19.1.)


bu yerda N-yonuvchi modda miqdori, kg/m³; -moddani yonish tezligi kg/m³soat. Agar binoda har xil qattiq va suyuq moddalar bo’lsa hamda bino maydonining dyeraza maydoniga nisbati 4:10 atrofida bo’lsa yong’inni davom etish vaqti.


T_yo=S_r/6S₀ (g₁/n₁+g₂/n₂+...+g_n /n_n) (19.2.)

formula bo’yicha topiladi.

bu yerda g₁..g_n-har bir yonuvchi modda miqdori (kg/m²); n₁…n_n-moddalarning yonish tezligini hisobga oluvchi koeffisient (qabul qilinadi:benzin uchun-15, rezina, organik shisha uchun-35, avtomobil shinalari uchun- 40, yog’ochlar uchun-65 va boshqalar).
YOng’inni o’chirishdan ko’ra uning oldini olish osondir. SHu sababli korxonalar, ishlab chiqarish uchastkalari rahbarlari yong’in chiqish sabablarini bilishi va uni oldini olish bo’yicha tegishli tadbirlarni amalga oshirishikerak.