Bog'liq 11-Mavzu. Yuridik shaxslar metrologik xizmatlarini o’lchash vosi
Metrologik xizmatlar, markazlar, laboratoriyalarni akkreditlash – metrologik xizmatlar, markazlar, laboratoriyalarning o‘rnatilgan akkreditlash doirasida o‘lchashlar birliligini ta'minlash bo‘yicha ishlarni o‘tkazishga huquqligini rasmiy tan olish.
Sinov uskunasi va o‘lchash vositalarining oxirgi attestatsiya sanasi ko‘rsatilgan etiketka komplekt hujjatlarini o‘z ichiga olishi kerak: registratsion kartochkasi; ekspluatatsion yoki ta’mirlash hujjati; sinov uskunalarini attestatlash bo‘yicha materiallar va attestatlash bo‘yicha guvohnoma; o‘lchash vositalarini qiyoslash to‘g‘risida guvohnoma yoki ularning kalibrlash bo‘yicha sertifikati; qiyoslash (kalibrlash) metodikasiga meyoriy hujjatlar.
Sinovni o‘tkazish uchun kerakli sinov uskunalari attestatlanishi kerak va GOST 24555-81 ga muvofiq sertifikatga ega bo‘lishi kerak.
Sinovni o‘tkazish uchun kerakli o‘lchash vositalari akkreditlangan sohada qiyoslash to‘g‘risida guvohnomaga yoki kalibrlash to‘g‘risida sertifikatga ega bo‘lishi kerak.
Davlat sinov markazlari sinov uskunalarini attestatlash reja – grafigi va o‘lchash vositalarini qiyoslash va kalibrlash reja – grafigiga ega bo‘lishi kerak.
Modda va materiallarning standart namunalari o‘lchashlar yagonaligini ta’minlash Davlat tizimining meyoriy hujjatlari talablariga javob berishi kerak.
O‘lchash vositalarining turini sinash namunaviy dastur yoki davlat sinov markazlari ishlab chiqqan dastur bo‘yicha o‘tkazilishi kerak.
O‘lchash vositalarining turini sinash dasturi va metodikasi MI 2146 “O‘lchash vositalarini Davlat sinovining namunali dasturlari. Ishlab chiqish va tasdiqlash tartibi” ga muvofiq bo‘lishi kerak.
O‘lchash vositalarini sinov dasturini tasdiqlash GOST R.8.001 talablariga muvofiq amalga oshirilishi kerak.
Davlat sinov markazlari ixtiyorida sinashni o‘tkazish uchun kerakli sharoitni ta’minlovchi va sinash natijalariga salbiy ta’sirlarni cheklaydigan xonalar bo‘lishi kerak.
Sinov o‘tkaziladigan xonalarga kirish nazorat ostida bo‘lishi kerak, begonalarni kirishiga yo‘l qo‘yilmaydi.
Davlat sinov markazlarida:
o‘lchashlar yagonaligini ta’minlash bo‘yicha meyoriy hujjatlar komplekti; o‘lchash vositalarini namunali sinov dasturlari va sinov dasturlari;
sinaladigan o‘lchash vositalari uchun texnik talablarni o‘rnatadigan hujjatlar;
akkreditlash sohasida sinaladigan o‘lchash vositalarini qiyoslash uslublari;
sinov uskunalari va o‘lchash vositalarini sinovdan o‘tkazish uchun kerakli ekspluatatsion hujjatlar bo‘lishi kerak.
Davlat sinov markazi ISO/MEK ga muvofiq sifat bo‘yicha ishlab chiqilgan “Sinov laboratoriyalarining sifat bo‘yicha qo‘llanma” siga ega bo‘lishi kerak.
Sifat bo‘yicha qo‘llanmada quyidagilar bo‘lishi kerak:
etalonlar, o‘lchash vositalari, standart namunalar va sinov uskunalar bilan jihozlanganligi to‘g‘risida ma’lumotlar;
sinov usullari, qiyoslash metodikalari va sinaladigan o‘lchash vositalariga talablarni reglamentlaydigan meyoriy hujjatlarning ro‘yxati;
ishlab chiqarish xonalarining holati, sinashda qo‘llaniladigan o‘lchash vositalarini qiyoslash (kalibrlash) ni tashkil etishni tartibi haqida ma’lumotlar.
Sifat bo‘yicha qo‘llanmada davlat sinov markazlarining funksiyasi, huquqi va majburiyati aks ettirilishi kerak.
Sinov natijalari bo‘yicha bayonnoma rasmiylashtiriladi. Sinov bayonnomasi asosida o‘lchash vositasining turini va yozilmasini tasdiqlash uchun sinov akti tuziladi.