111- xamshira guruhi Djurasheva Juldiz

2013 yil 19 aprelda soat 12.00dan 14.00gacha «Siti Palas» mehmonxonasida ijtimoiy tashabbuslarni qo'llab-quvvatlash Fondi O'zbekiston Respublikasi Sog’liqni saqlash vazirligi va aholishunoslik sohasidagi BMT Fondi (YuNFPA) bilan birgalikda «Sog’lom ona – sog’lom bola» loyihasi doirasida «Sog’lom onalik va bolalik sohasidagi ijtimoiy tashabbuslar» mavzuidagi davra suhbatini o'tkazadi. Tadbirning maqsadi reproduktiv salomatlik va sog’lom turmush tarzi masalalarida aholining bilim darajasini oshirish yo'lida barcha hamkorlar faoliyatini yoritish va kuchaytirish, dolzarb masalalarni muhokama qilish hamda 2013 yilning Davlat dasturini amalga oshirish bo'yicha tegishli takliflar ishlab chiqishdan iborat. «Sog’lom ona – sog’lombola»loyihasinining maqsadlari o'smir yoshdagi qizlarga oqilona ovqatlanish, kamqonlikning oldini olish, gigiena qoidalariga amal qilish borasidagi bilimlarini oshirish hamda homilador va tug’ish yoshidagi ayollarga tug’ruqqa tayyorlanish va 1 yoshgacha bo'lgan chaqaloqni parvarishlash bo'yicha ma'lumot berishdan iborat. Davlatimiz rahbarining 2009 yil 1 iyulda qabul qilingan “2009-2013 yillarda aholining reproduktiv salomatligini mustahkamlash, sog’lom bola tug’ilishi, jismoniy va ma'naviy barkamol avlodni voyaga etkazish borasidagi ishlarni yanada kuchaytirish va samaradorligini oshirish chora-tadbirlari Dasturi to‘g’risida”gi qarori asosida Samarqand viloyatida ham tug’ruq majmualari faoliyatini yanada yaxshilashga alohida e'tibor qaratilmoqda.