|
19-ma`ruza. Makaronni quritish texnologik tizimini avtomatlashtirish
Ma`ruza rejasi:
Makaronni quritish texnologik tizimi tahlili
Makaronni quritish texnologik tizimidagi asosiy texnologik parametrlar;
Makaronni quritish texnologik tizimini avtomatlashtirishning funksional sxemasi.
Makoron sanoatini avtomatlashtirishda vujudga keladigan vazifalar non yopish sanoati oldida turgan vazifalarga ko`p jihatdan o`xshash. Ularga ishlab chiqarishning quyidagi qismlarini avtomatlashtirishni kiritish mumkin: unni qopsiz saqlash, xamir qorish, zichlash va qolipga qo`yish; xom makoronlarni tayyorlash, qirqish, tahlash operatsiyalari; makaronlarni quritish; makaronlarni tayyorlashning oxirgi operatsiyalari (to`plash, stabillash, idishlarga solish, tashish va omborga qo`yish).
Makaronlarni quritish jarayoni eng uzoq davom etadigan va juda ma`suliyatli bosqichdir. Makaronni quritish ko`p jihatdan mahsulotning sifatini belgilab beruvchi issiqlik-massa almashinuvi hodisalarining murakkab majmuasi bilan birga kechadi. Quritish jarayonida namlikni yo`qotgan sari makaronning struktura-mexanik xossalari o`zgaradi. Makaron elastiklik xossasini yo`qotib, qattiq va nozik jism xossasini egallaydi.
ARS ishining sifati quritish rejimini belgilaydi. Jumladan, yumshoq rejimda (past temperature va quritadigan havoning nisbiy namligi yuqori bo`lganda) uzoq vaqt quritish makaronning achishiga sabab bo`ladi; shu bilan birga quritishning jadallashtirilishi (qattiq rejim), ayniqsa oxirgi bosqichda makaronning yorilib ketishiga va maydalanib ketishiga olib keladi.
Makaronni quritish vaqtini qisqartirish maqsadida vas hu bilan birga ularning chidamliligini ta`minlash maqsadida jarayon dastlabki va pirovard quritish jarayonlariga bo`linadi. Dastlabki quritish xom makaronning elastikligini saqlagan holda (namlik taxminan 20%gacha) namlikni jadal pasaytirish bilan ifodalanadi. Pirovard quritish qattiq material xossalarini egallayotgan makarondan namlikni sekin asta pasaytirish davridan iborat.
Makaron ishlab chiqaruvchi avtomatik tizimlar bir qator ayrim texnologik agregatlardan transport mexanizmlaridan iborat bo`lib, yuqori sifatli tayyor maxsulot ishlab chiqarishning barcha bosqichlarini mexanizatsiyalash va avtomatlashtirishning yuqori darajasinni ta`minlaydi. Makaronlar ko`pincha metal sterjenlarga – bostunlarga osilgan holda quritiladi. B6-LMB avtomatik tizimni tarkibida amalga oshiriluvchi dastlabki quritish davrini avtomatlashtirish sistemasi 19.1-rasmda keltirilgan.
27-rasm. B6-LMB agregatida makaronni quritish jarayonini avtomatlashtirish sxemasi
Dastlabki quritkich konstruktiv jihatdan ikkita quritish zonasini tashkil etuvchi devor bilan ikki qavatga bo`lingan germetik va issiqlikdan izolyatsiyalangan toneldan iborat. Birinchi (pastki) zanada bitta transportyor II bor, ikkinchi (yuqori) zonada ikkita transportyor bor. Quritkich pastki qismida bo`sh bostunlarni qaytarish uchun transportyor V jaylashtirilgan. Qurituvchi havoni isitish uchun trubalardan yasalgan kallorifellar III, truboprovodlar, nasoslar va rostlovchi armaturadan foydalaniladi.
Issiq suv (80-90⁰C) birinchi zona isitish sistemasiga bevosita markazlashtirilgan issiqlik ta`minoti tarmog`idan uzatiladi.ikkinchi zo`na isitish sistemasiga, issiq suvdan tashqari, birinchi zonadan nasos orqali ishlatiladigan issiq suv qisman uzatiladi.
Birinchi zonada ventilyatsiyalash juft-juft qilib joylashtirilgan ventilyatorlar IV yordamida amalga oshiriladi. Makaron quritkichga kiraverishda ikkita ventilyator xonadagi havoni tortib olab, uni koloriferlar orqali puflab, havo to`sig`I hosil qiladi va issiq havoni koloriferlar orqali purkash bilan retsirkulyatsiyani ta`minlaydi. Nam havoning bir qismi zanadan xonaga chiqadi. Quritish zo`nalarining ventilyatsiya sistemasi qurituvchi havoni qisman retsirkulyatsiyasini ta`minlaydi: nam havo xonadan keluvchi ancha quruq havo bilan qisman aralashadi va biroz qismi xonaga chiqariladi.
Quritishning berilgan parametrlari-qurituvchi havoning temperaturasi va nisbiy namligi avtomatik saqlab turiladi. Avtomatlashtirish sistemasi dastlabki quritkichning quyi va yuqori zo`nalarida havo temperaturasi va namligini nazorat qiladi. (2-3, 3-2, 5-2, 26-2, 3-2); quritkich zo`nalari bo`yicha issiq suvning bosimi va temperaturasini nazorat qiladi (8-1, 24-2, 25-1); dastlabki quritish zo`nalari bo`yicha havoning temperaturasi va nisbiy namligini rostlaydi (3-2, 5-2, 27-2, 30-2); rostlovchi o`rganlarning holatini nazorat qiladi (4-2, 6-2, 28-2, 31-2); quritkich ishining ishchi va avariya rejimlarini signalizatsiya qiladi.
Quritkichning ARSi ishi quritish agenti (havo)ning parametrlarini o`lchash va rostlashning psixrometrik uslublaridan foydalanishga asoslangan, havoning temperaturasi va namligi datchiklari dastlabki quritkichning ikkala zo`nasiga o`rnatilgan. Temperature datchigi sifatida qarshilik termo o`zgartkichlari3-1, 5-1, 27-1, 30-1 dan foydalaniladi. Har bir juftning biri “ho`l”, ikkinchisi “quruq” bo`ladi. Ular bilan bir komplektda ikkilamchi asboblar sifatida logometrlar 5-2, 30-2 xizmat qilad.
Avtomatik rostlash sistemasi quritish rejimini “quruq” va “ho`l” termometrlarning ko`rsatkichlari orasidagi talab qilingan farqni saqlab turishi yo`li bilan ta`minlanadi. Havo temperaturasini rostlash sistemasida issiq suvning kaloriferda sarflanishi rostlovchi parametr hisoblanadi, uning o`zgarishi quritkichning yuqori va quyi zo`nalarida klapanlar 3-5, 27-5 yordamida amalga oshiriladi. Havo namligini rostlash sistemasida qurituvchi havo sarfi ventilyatsiya sistemasida (5-4, 30-5) quruq xonadagi aralashma hisoblanadi.
Dastlabki quritkichning kaloriferlarining chiqishida issiq suv temperaturasini nazorat qilish qarshilik termo o`zgartkichi 14-1…23-1 va logometr 14-3 yordamida amalga oshiriladi.
Do'stlaringiz bilan baham: | 
