1991 yilda e’lon qilingan Mustaqillik О‘zbekiston tarixida yangi sahifa ochdi

Farg’ona naqqoshlik maktabi. Farg‘ona naqshi Xо‘jand, Marg‘ilon, Qо‘qon, Farg‘ona, Andijon, Namangan, Chust, Quva, Oltiariq va Rishton shaharlarida vujudga kelgan uslublardan iborat. XIX asr va XX asr boshlariga mansub bо‘lgan naqshlar kо‘plab osori atiqalarda saqlanib qolgan. Qо‘qondagi Madalixon dahasi va Dahai Shohon, Xudoyorxon о‘rdasidagi va boshqa naqshlar о‘ziga xos kо‘rinishga ega bо‘lsada, Farg‘ona naqshlarida kо‘proq Buxoro, Xiva naqshlarining ta’siri bor. Hattoki rus naqqoshlarining uslubi ham undamunda uchrab turadi. Chunki о‘sha vaqtlarda usta naqqoshlar ish axtarib boshqa shaharlarga borar edilar yoki buyurtma bо‘yicha boshqa shaharlarga borib, naqsh bilan binolarni bezatar edilar. Lekin Farg‘ona vodiysida о‘ziga xos naqqoshlik maktabi rivoj toptan edi. Farg‘ona naqqoshlari girix, о‘simliksimon (islimiy) va gulli girix naqshlarini bezaklarda qо‘llaganlar. Kompozitsiyalarning simmetriyali bо‘lish prinsipiga amal qilganlar. U boshqa naqqoshlik maktablaridan naqshlarining tabiatga juda yaqinligi, erkin ishlanishi, ranglarining kontrastligi bilan farqlangan. Bulardan tashqari Farg‘ona naqshlarida tabiatdagi gul, barg, g‘uncha va boshqalardan tо‘g‘ridan-tо‘g‘ri foydalanilgan. Chunonchi Farg‘ona naqshlariga qarasak, pista gul, anor, atirgul, majnuntol, bodomgul va boshqalarni kо‘rishimiz mumkin. Farg‘ona vodiylaridagi naqsh kompozitsiyalarning tabiatga juda yaqin­ligi Toshkent, Xiva va Samarqand naqshlaridan ajralib turadi. Farg‘onada naqqoshlar chetlari chiroyli qilib, ichiga islimiy shakl tushurilgan qizil, yashil bо‘yoqlar bilam turunjni afzal kо‘radi. Farg‘ona maqqoshlik maktabining na-moyandalaridan biri Saidmahmud Norqо‘ziyevdir.