2. Motorga so‘rilayotgan havo harorati datchigi (dtv)

DAEWOO NEXIA avtomobilining drossel qopqog‘i holati datchigi

Drossel qopqog‘i holati datchigi drosselni yon tomonida o‘rnatilgan va drossel qopqog‘i o‘qi bilan tutashtirilgan.

Bu datchik potensiometr ko‘rinishida bo‘lib, uning bir uchiga plyus sim ulanib kuchlanish beriladi (5 V), boshqa uchiga esa "massaga" ulanadi. Datchikni uchinchi simi ham bor (polzunokdan keladi) bu sim EBB bilan ulanadi.

Qachonki drossel qopqog‘i holati o‘zgarsa (gaz pedalini bosganimizda), datchikdan chiqadigan uchinchi simda kuchlanish ham o‘zgaradi. Agar drossel qopqog‘i yopiq bo‘lsa undan chiqadigan impuls kuchlanish 0.5 V dan kichigrog‘ bo‘ladi. Agar drossel qopqog‘i to‘liq ochiq bo‘lsv, chiqadigan kuchlanish ortadi va u 4 V dan ko‘p bo‘lishi kerak.

EBB datchikdan kelayotgan kuchlanishga qarab, motorga qancha yonilg‘i kerakligini aniqlab berib turadi (gaz pedalini bosishimizga qarab).

Datchikni regulirovka qilib o‘tirishimizga hojat yo‘q, chunki EBB drossel qopqog‘ining yopiq holatini boshlang‘ich nuqta deb qabul qiladi.

Agar datchik ishlamay qolsa EBB darhol nuqson kodini ko‘rsatadi va eslab qoladi.

Datchikni almashtirish uchun ustaga TORX T25 lik kalit kerak bo‘ladi.

1. Akkumulyator "minus" klemmasi uziladi.

2. Sim bog‘ini ko‘rish uchun rukav ochib qo‘yilgan.

3. Kolodkani datchikdan ajratamiz.

 

 

 

4. Datchik mahkamlangan ikkita vint burab ochiladi.

5. Datchik echib olinadi.

 6. Datchikni o‘rniga qo‘yish uchun esa teskari tartibda qo‘yiladi.