2022 йил 28 февралда Факультетнинг режасига асосан "Республика болалар ижтимоий мослашувчи маркази" Самарқанд минтақавий филиалига кузатув амалиётини ўташ учун бордик

Шароф Рашидов номидаги Самарқанд Давлат университети Психология ва ижтимоий муносабатлар факультети “Ижтимоий иш йўналиши” 206-гуруҳ талабаси Шодиёров Зухриддин Собир угли “Республика болалар ижтимоий мослашув маркази” Самарқанд минтақавий филиалида кузатув амалиёти
ҲИСОБОТИ
2022 йил 28 февралда Факультетнинг режасига асосан “Республика болалар ижтимоий мослашувчи маркази” Самарқанд минтақавий филиалига кузатув амалиётини ўташ учун бордик. Кузатув амалиётга факультет Социология ва ижтимоий иш кафедраси мудири, доц. И.Негматов раҳбарлик қилди. Мослашув маркази раҳбари Бозоров Абдухами Алишерович билан учрашдик. Учрашув давомида марказ раҳбари кузатув амалиётини олиб бориш учун барча шароитлар яратилганлиги, имкониятлардан оқилона фойдаланиш ҳамда тартиб қоидаларга риоя қилиш, иш жараёнида меъёрий ҳужжатларни тайёрлаш, тўлдириш каби ишларни ўрганиши ҳақида маълумотлар берди. А.Бозоров марказ ходимлар билан ишлаш бўлими бошлиғи Собирова Фарангиз Худойназаровна билан учраштириб ҳар бир талабага марказдан масъул ходимлар бириктириши кераклиги айтилди. Амалиётимизга ходимлар бўлимида Зарнигор раҳбарлик қилди. Мослашув марказида фаолиятимиз учун керак бўлган иш жойлари, ходимлар ҳамда даволанадиган болалар билан таништириб ўтди.
2022 йил 1 март куни эрталаб соат 8:00 да марказга келиб марказ залида болалар йиғилиб давомат олиш ҳамда уларнинг давоматини олиш ҳужжатларини тўлдиришни ўрганиб бордик. Ота оналарга марказ раҳбари томонидан семинар ташкил этилишини ўргандик. Мослашув марказида болалар билан ишлаш, руйхатга олиш ҳамда уларнинг ташҳиси бўйича назоратини мунтазам олиб бориш кераклиги тўғрисидаги шаклларни тўлдириб бордик.
2022 йил 2 март куни боллалар ва уларнинг ота оналари билан суҳбатларни қайд қилиб бориш дафтарини юритиш, фуқаролар мурожаатлари тўғрисида тушунчаларга эга бўлдик.
3 март куни ногиронлиги бўлган боллалар мавжуд хонадонларга чиқиб, бола ва ота-оналари билан суҳбат олиб бордик. Олиб борилган суҳбат жараёнида болаларда учрайдиган камчиликлар, керакли нарсалар ҳамда улар билан қандай шуғулланиб бориш кераклиги тўғрисида амалиёт раҳбаримиз билан тавсиялар бериб бордик.
4 март куни Самарқанд вилоят Каттақурғон тумани Педагогика техникумида ташкил этилган Имконияти чекланган болалар ижтимоий психологик тиббий ёрдам кўрсатиш акциясида иштирок этиб, ногиронлиги бўлган болаларга уларнинг ота-оналари билан ҳуқуқий, маънавий маълумотлар берилди.
2022 йил 7 март куни ногиронлиги бор болалар ота оналари билан суҳбатлар олиб борши дафтарини қайд қилиб бориш ҳужжатларини тўлдириб бордик.
9 март куни “Республика болалар ижтимоий мослашув маркази” Самарқанд минтақавий филиалида олиб бориладиган 30 та меъёрий ҳужжатлар билан ишлаш жараёнини кузатдик. Кузатув жараёнида биз ҳам камчиликларни аниқлаб, аниқланган камчиликлр бўйича қандай тўлдириш кераклиги ўғрисида ургандик.
10 март куни ногиронлиги бўлган болаларни ҳар бин хоналарга олиб кириб ташҳислари бўйича муолажаларини олишлари тўғрисидаги ҳужжатларни тўғлдириб боришни ўргандик.
2022 йил 11 март куни Муассаса раҳбари ҳамда масъул ходимлар иштирокида икки ҳафталик кузатув амалиёти бўйича олиб борилган ҳамда амалга оширилган ишлар юзасидан йиғилиш ташкил этилиб, ҳар бир талабанинг кобилияти, иш ўрганишдаги малакаси, тиришқоқлиги, характерлари тўғрисида айтиб ўтилди.
Кузатув амалиёти натижасида бизда марказда ишлай олиш кўникмаси шаклланди, меъёрий ҳужжатларни юритиш ҳамда тўғри ташкил этиш бўйича малакага эга бўлдик.
“Республика болалар ижтимоий мослашув маркази”
Самарқанд минтақавий филиали раҳбари: А.Бозоров