3-Ma’ruza. Mavzu: sistema bloki komponentlarini o‘rganish. Mikroprosessorlar va ularning turlari

Intel korporatsiyasi
Intel - INTegrated ELectronics korporatsiyasi 1968 yili Robert Noys (Robert Noyce) va Gordon Mur (Gordon Moore) tomonidan yaratilgan bо‘lib, ularga, keyinchalik Intel korporatsiyasining Direktorlar kengashi raisi lavozimigacha kо‘tarilgan Endryu Grouv (Andrew Grove) ham о‘sha yili qо‘shildi. 1974 yili korporatsiyaga uning bо‘lajak prezidenti va bosh boshqaruvchisi Kreyg Barrett (Craig Barrett) keldi.
Biroq, bungacha mikroprotsessorni yaratish borasidagi dastlabki tajribalar dastlab Shockley Semiconductor Laboratory firmasi sо‘ngra Fairchild Semiconductor firmasida (yarim о‘tkazgichlar laboratoriyalari) о‘tkazilgan edi. Noys va Gordon ikkala firma xodimlari bо‘lishib, ular yaratishgan Intel, ushbu firmalarda tо‘plangan tajribalarni tabiiy ravishda о‘ziga mujassam etgan qandaydir alkimyo tarkibga о‘xshash korxona bо‘ldi.
Noys miyasiga sxema yig‘ish mobaynida simlardan foydalanmasdan elementlarni bitta kremniyli plastina ustida yig‘ib, о‘zaro ulab kо‘rish g‘oyasi kelgan.
1959 yili Noys diffuzion integral yoki metall changi purkalgan rezistorlar haqida, teskari yо‘nalishga qо‘zg‘atilgan pn-о‘tishlar yordamida asboblarni bir-biridan izolyatsiya qilish xususida hamda yuzaga metall changini purkash yо‘li bilan hosil qilingan oksidlarda ochilgan teshiklar orqali elementlarni bir-biri bilan ulash tо‘g‘risida о‘zining birinchi batafsil ma’lumotnomasini havola etdi. Yana bir oy о‘tgach, Noys bir nechta elementlarni bitta kristall ustiga joylashtirish g‘oyasi bilan о‘rtoqlashdi. Ayni shu fursatdan integral sxema haqidagi g‘oya real voqelikka aylandi. Fairchild Semiconductor muvaffaqiyat chо‘qqisiga chiqqan paytda Robert Noys va Gordon Mur Intel firmasini yaratish maqsadida о‘z firmalarini tark etishdi.
О‘sha davrdan e’tiboran Intel firmasi, unda ishlaydigan xodimlar soni 64 mingdan oshib ketgan, har yili (1997 yil oxirida olingan ma’lumotlarga kо‘ra) 25 milliard dollardan ortiq yillik daromad kо‘radigan, mikroprotsessor ishlab chiqarish bо‘yicha dunyoda eng yirik korxonaga aylanib qoldi.
Hisoblash mashinasining “miyasi” deb nom olgan mikroprotsessor shaxsiy kompyuter va boshqa kо‘plab elektron qurilmalarni boshqaradigan bosh organ vazifasini bajaradi.