3-мавзу. Давлат тушунчаси, белгилари, моҳияти ва типлари назорат учун муаммоли саволлар (казуслар)

3-МАВЗУ.
ДАВЛАТ ТУШУНЧАСИ, БЕЛГИЛАРИ, МОҲИЯТИ ВА ТИПЛАРИ
Назорат учун муаммоли саволлар (казуслар)




1. Давлат ўз ҳокимиятини мамлакатнинг бутун ҳудуди ва аҳолисига тарқатадиган, махсус бошқарув аппаратига эга бўлган, ҳамма учун мажбурий қонун-қоидалар ўрнатадиган ва суверенитетга эга бўлган жамиятнинг ягона сиёсий ташкилоти ҳисобланади. Шу билан бирга, айрим муаллифлар давлат ҳодисасини халқ, ҳудуд ва ҳокимиятнинг бирлиги сифатида ҳам ифодалашмоқда. Мазкур фикр аксарият олимлар томонидан давлатни ифодалаш учун етарли эмаслиги эътироф этилиб, қўллаб-қувватланмайди.
Масалани атрофлича муҳокама қилинг.


2. Давлатнинг белгилари давлатни жамиятдаги барча давлатга муайян даражада яқин ва ўхшаш бўлган бошқа ташкилотлардан фарқлаш имконини беради. “Оммавий ҳокимият”, “давлат тузилмалари”, “сиёсий ташкилот” сингари бир қатор тушунчаларни шулар жумласига киритиш мумкин. Давлат белгилари хусусида ҳуқуқшунос олимларнинг фикр ва мулоҳазалари, ёндашувлари турли-туман бўлсада, уларни умумлаштириб асосий белгиларини кўрсатиш мумкин. Шу билан бирга, ҳар бир мустақил давлат, биринчи навбатда, давлатнинг қўшимча белгилари (рамзлари) ҳисобланган давлат байроғи, герби, мадҳиясига эга.
Айрим ҳуқуқшунос олимлар давлатнинг белгилари мавжуд бўлиши билан бир қаторда бошқа давлатлар томонидан ҳам тан олиниши лозимлигини қайд этишади.
Давлат белгиларини атрофлича муҳокама қилиш орқали мазкур масалага баҳо беринг.