30 sonli umumta’lim maktabining Boshlang’ch ta’lim o’qituvchilar yig’ilishining 3-raqamli

Yangi mavzuning bayoni:

Mavzu: Daturxon atrofida o’zini tutish.

Dilnozani buvijonisi mehmonga olib boradigan bo’ldi

U darrov yuvinib, sochlarini silliq taradi. O'rib, lenta bilan bog'iadi. Keyin tirnoqlariga qaradi, ular top-toza edi. Dilnoza chiroyli, dazmollangan ko'ylagini kiyib, buvijonisi bilan yo'lga tushdi.

—- Ona qizim, mehmonda o'zingni yaxshi tutgin, xo'pmi!—-deb tayinladi buvijonisi.

— Xo'p bo'ladi, — deb javob qaytardi Dilnoza.

Dilnoza uyga kirishi bilan uy egalariga salom berdi. Oyoq kiyimini bir chekkaga yechdi. Buvijonisining kavushlarini ham chetroqqa olib qo'ydi. Shu xonadonda Dilnoza tengi qizlar ham bor ekan.

— Mehmon-mehmon o'ynaymiz, — dedi mezbon qiz.

— Yo'q, do'xtir-do'xtir o'ynaymiz,— dedi uning singlisi.

— Qattiq gapirmaylik, -dedi Dilnoza kattalar tomonga sekin qarab qo'yib.

Qizlar sekingina qo'shni xonaga kirib ketishdi.

Mehmonga yozilgan dasturxon uchun buvijonisi mezbonlarga minnatdorchilik bildirdi.

...Bu orada Dilnoza mezbon qizlar bilan ularning ayasiga ham yordamlashdi. Yuvilgan idishlarni artib turdi.

Mehmonlar ketishga otlanayotganda, mez­bon aya dedilar:

— Nevarangiz Dilnozaoy menga juda ham yoqdi. Yana kelganingizda, albatta, uni ham birga olib keling.

— Xo'p bo'ladi, — dedi buvisi.

Dilnoza bu maqtovdan juda xursand bo'ldi.

Matnni ifodali qilib o’qib beraman. So’ng matndagi o’quvchilar uchun

tushunish qiyin bo’lgan quyidagi so’zlarni doskaga yozib lug’at ishi o’tkazaman:

• 
  Kavush
  
• 
  Qattiq gapimoq
  
• 
  minnatdorchilik bildirmoq
  
• 
  Ketishga otlanmoq
  

Ushbu so’zlarning mazmun-mohiyatini o’quvchilarga tushuntiraman, ular ishtirokida so’z birikmalari va gap tuzaman. Ushbu so’zlarga oid lug’at ishini daftarda bajartiraman. Shundan so’ng matnni o’quvchilarga o’qittiraman. O’quvchilar matnni o’qiyotganlarida diqqat bilan tinglayman, ularning talaffuzdagi xato va kamchiliklarini o’z vaqtida to’g’rilab boraman.