\376\377\000B\000i\000o\000l\000o\000g\000i\000y\000a\000d\000a\000n\000 \000a\000m\000a\000l\000i\000y\000 \000m\000a\000s\000h\000g\000`\000u\000l\000o\000t\000l\000a\000r\000.\000 \000E\000n\000d\000i\000r\000b\000o\000y\000e\000v\000a\000

I -Bob. Informatikadan amaliy mashg`ulotlarini tashkil etishning nazariy

asoslari

1. 
   Amaliy mashg`ulotlarning maqsadi va vazifalari. Oliy ta`lim muassasalarida informatikani o`qitish shakllari ma`ruza, laboratoriya va amaliy mashg`ulotlari sanaladi. Informatikani o`qitishda ma`ruza mashg`ulotida o’quvchilar nazariy bilimlarni o`zlashtirsalar, laboratoriya va amaliy mashg`ulotlarda esa, o`zlashtirilgan nazariy bilimlar, amaliyotga joriy etish amalga oshiriladi.
   

Shu sababli, amaliy mashg`ulotlarni maqsadga muvofiq tashkil etish, mazkur mashg`ulotlarda innovatsion texnologiyalardan foydalanish yuzasidan tavsiyalar ishlab chiqish dolzarb muammolardan biri sanaladi.

Amaliy mashg`ulotlarining maqsadi – o’quvchilarni faol ta`lim olish jarayoniga jalb qilish, ularda bilish, izlanish ko`nikma va malakalarini rivojlantirishga yordam berish, oliy ta`lim muassasalari informatika fani bo`yicha o`quv materiallarini puxta o`zlashtirishga o`rgatish. Mavzuga doir ko`nikma va malakalarni muntazam o`zlashtirib borib, savol va topshiriqlarda o`zini mashq qildirib, tabiiy ob`ektlar bilan tajribalar o`tkazib va ularni kuzatib, informatika fani bo`yicha o`quv adabiyotlaridan olingan bilimlarni o’quvchilar yanada aniqlashtirib oladilar, ularni chuqurlashtirib, boyitib borishadi. Amaliy ishlari jarayonida bajarilayotgan tajribaviy amallarning algoritmini (ketma-ketligi) o`rganib borishadi.

Amaliy mashg`ulotlarida yangi materialni o`rganish, kuzatish, tabiiy ob`ektlardan keng foydalanish usulini tatbiq etish ko`zda tutiladi. Bunday mashg`ulotlar real bilimlarni to`plash, amaliy malaka va ko`nikmalarni shakllantirish maqsadida o`tkaziladi. Tabiiy ob`ektlarni kuzatish mobaynida o’quvchilar o`qituvchi tomonidan tayyorlangan uslubiy qo`llanmanalar va tavsiyalardan foydalanadilar. Odatda, ularda ishning maqsadi mujassamlashgan, hamda tarkibiga ishni bajarish rejasi va topshiriqlar kiritilgan bo`ladi. Bunda qo`llanma varaqasida qo`yilgan masala o’quvchilar tomonidan mustaqil yechilishi hisobga olinib tuzilgan. Ushbu topshiriq varaqalari mashg`ulotda, amaliy

mashg`ulotda yakka tartibda ishlashda yoki uyda mustaqil bajarishga mo`ljallangan.

Bilimlarni shakllantirishda o’quvchilarda turli qurilma va laboratoriya jihozlari bilan ishlash malaka va ko`nikmalarining hosil bo`lishi katta ahamiyatga ega.

Hozirgi kunda fan va texnikaning tez sur`atlar bilan rivojlanishi natijasida o`qitish komp`yuter, multimediya, audio-videotexnika, masofadan o`qitishda internet tizimidan foydalanish kabi bir qator yangi texnologiyalar asosida olib borilmoqda.

Xususan, barcha turdagi ta`lim muassasalari laboratoriya xonalarida, o`qituvchi va o’quvchilar o`quv-laboratoriya jihozlaridan samarali foydalangan holda, o`quv dasturlarida belgilangan barcha amaliy ishlarini (shu bilan birga, namoyishli ishlarni ham) o`tkazish imkoniyatiga ega bo`lmoqda. Jihozlar zamon talabiga mos holda, yangi dizayn va materiallardan ishlangan bo`lib, informatika fani davlat ta`lim standartlari talabini to`liq o`zlashtirishda amaliy vosita sifatida qo`llaniladi.

Informatika o`quv dasturida o’quvchilarning o`zlashtirgan bilimlarini mustahkamlash, ularni amaliyotga qo`llash orqali amaliy va o`quv mehnati ko`nikmalarini tarkib toptirish maqsadida amaliy mashg`ulotlari kiritilgan.