5-Lekciya. Vertikal rejelestiriwdıń joybarlıq gorizontallar usılı

6. 1-súwret. Zamanagóy mikrorayonnin’ vertikal jobası (fragment)

Joybarlanip atirg’an maydanda jer sırtınıń joybarlıq relefin jaratıw boyınsha vertikal proektlestiriwdiń bir neshe túrleri ámeldegi bolıp, olardan eń kóp qollanilatug’in túri, bul konvert ta’rizli, yaǵnıy suwdı tórt tárepke ag’iziw bolıp tabıladı. Bunnan tısqarı, óz-ara hám bir tárepleme suw qashırıw túrleri bar.

Ádetde, maydanı onsha úlken bolmaǵan turar-jay gruppalarında sırtqı suwdi qashırıw ashıq suw qashırıw sisteması arqalı ámelge asıriladı. Mikrorayonlarda bolsa maydannıń úlkenliginen kelip shıqqan halda, kúshli jawin waqıtlarında salmalarda tirbandlik vujudga kelmewi ushın jer astı suw qashiriw sistemalarınan paydalanıw maqsetke muwapıq bolıp tabıladı.

Turar-jay qalanıń bir bólekleri hám mikrorayon ishki reys bólimlerin proektlestiriw ruxsat etilgen bóylama hám kese qıyalardı inabatqa alǵan halda maydandı vertikal joybarlaw processinde ámelge asıriladı (6.1- keste).

Maydanlardı joybarlawda tekǵana vertikal joybar shártlerin, usınıń menen birge oylı-qırlılıqlardıń sırtqı estetik kórinisine, ımaratlardıń relefte biyikliklerine de áhmiyet beriw kerek.

Ímaratlardıń múyeshleri hám kirisiw bólimleri boyınsha biyiklik belgileriniń joybarı ishki reys bólegi salmalarınıń biyiklik belgilerine salıstırǵanda, sırtqı suwdin’ ımaratlardan salmalarǵa qaray aǵıwın támiyinlegen halda ámelge asıriladı.