70-maktab internati tarbiyachilarining suxbati

O’quvchining kiyinish odobi:

Tajribadan ma’lumki, ilm dargohlarida o’quvchilar kiyadigan o’ziga xos liboslar taomilga kiritilgan. Buning zamirida o’quvchilarni ta’lim olishdan chalg’itadigan sun’iy to’siqlarni olib tashlash g’oyasi mujassam. Bir xil libos o’quvchilarda ko’p jixatdan tenglik, hamkorlik hissini uyg’otadi. Bu esa ularning e’tiborini faqat o’qish va o’rganishga jalb etadi. Bola ham o’z navbatida maktabga bilim olish va o’rganish uchun kelganini dildan his etadi. Qolaversa, millatimizga xos bo’lgan liboslar ta’lim muassasalarida ijodiy muhit yaratadi.

Yuqorilarni inobatga olib, o’quvchilarning umumta’lim maktablariga belgillangan tartibdagi o’quvchi liboslarida kelishlarini ta’minlash maqsadga muvofiq. Shu nuqtai nazardan vazirlik tomonidan o’quvchilarning kiyinishi va tashqi qiyofasiga qo’yiladigan talablar ishlab chiqildi va tegishli tashkilotlarning takliflari olindi. Olingan takliflar asosida har bir maktabga o’zining hududiy xususiyatlari asosida kiyim dizaynini tanlash imkoniyati berilgan. O’quvchilar kiyimi dizaynini tanlashda hududning iqlim sharoiti, o’quvchilarning yosh va fiziologik rivojlanish xususiyatlari hamda ma’naviy-ahloqiy qadriyatlariga mosligi inobatga olinishi zarur.

Ushbu talablar o’quvchilarni maktabga qabul qilish jarayonida ularning ota-onalari bilan o’zaro kelishuv asosida amalga oshiriladi.