9-sinf uchun “O‘zbekiston Respublikasi fuqaroligi” mavzusida yozgan ochiq dars ishlanmasi

Diskriminatsiya – jinsiga, qaysi millatga mansubligiga, diniy va siyosiy e’tiqodiga ko‘ra, ma’lum bir guruhdagi fuqarolar huquqlarini noma’lum tarzda cheklash yoki mahrum qilish.
Bordi-yu, armiyada xizmat qilish fuqaro uchun fuqarolik burchi va majburiyati sanalsa, fuqaroligi bo‘lmagan shaxslarga nisbatan esa bunday majburiyat qonun bilan tatbiq etilmaydi. Fuqaroligi bo‘lmagan shaxslar partiyalar a’zosi ham bo‘la olmaydilar, davlat organlarining rahbarlik
lavozimlarida ishlolmaydilar, saylovlarda ishtirok etolmaydilar.
Chet el fuqarolari va fuqaroligi bo‘lmagan shaxslar (apatridlar) –xalqaro huquqiy hujjatlar insonga havola etadigan barcha asosiy huquqlardan foydalanadilar (saylovlarda qatnashish va mamlakatning qurolli kuchlarida xizmat qilish huquqi bundan mustasno). Ayni shu davlatning
fuqarolari kabi bu fuqarolar ham uning qonunlariga rioya etishlari shart.
«Fuqarolik to‘g‘risida»gi Qonunning 11-moddasida O‘zbеkiston Rеspublikasi hududida yashovchi, lеkin O‘zbеkiston Rеspublikasi fuqarolari bo‘lmagan va хorijiy davlat fuqarosi ekanligini tasdiqlovchi asosga ega bo‘lmagan shaхslar fuqaroligi bo‘lmagan shaхslar hisoblanishi qayd
etilgan. Ikki mamlakat fuqarosi bo‘lish taqiqlangan.
-O‘zbekiston Respublikasi hududidagi chet el fuqarolarining va fuqaroligi bo‘lmagan shaxslarning huquq va erkinliklari xalqaro huquq normalariga muvofiq ta’minlanadi. Ular O‘zbekiston Respublikasining Konstitutsiyasi, qonunlari va xalqaro shartnomalari bilan belgilangan
burchlarni ado etadilar.