Aholi va inson omili

Shu munosabat bilan kishilarning mehnat faoliyati ikki sohada – moddiy ne’mat ishlab chiqaruvchi va moddiy ne’mat ishlab chiqarmaydigan sohalarga bo’linadi.
Fan va texnikaning rivojlanishi bilan moddiy ne’mat ishlab chiqarmaydigan sohaning roli va bu sohada ishlovchilar soni ortib boradi. Buning uchun avvalo ishlab chiqaruvchi sohada mehnat unumdorligi o’sishi zarur.
Faqat shundagina ishlab chiqaruvchi sohadagi mehnatga yaroqli aholining bir qismi ishlab chiqarmaydigan sohaga o’tishi mumkin. Mehnatga yaroqlilarning soni va malakasi qatori ma’naviy yetukligi ham muhim ahamiyat kasb etadi.
Mamlakatimiz Prezident I.A.Karimov ta’kidlaganidek: “Respublikamiz boshqa mintaqalar havas qilsa arziydigan ming-minglab ishchi kuchlarga, qadimdan avloddan avlodga o’tib kelayotgan mehnatsevarlik, insonparvarlik, bag’rikenglik, bardoshlik singari ma’naviy boyliklarga egadir”.
Aholi tarkibiga jins va yosh jihatdan yondashish katta ahamiyatga ega. Chunki aholini va inson omilini takror ishlab chiqarish xuddi ana shu jihatlarga bog’liq.
Mamlakat aholi tarkibida 14 yoshgacha bo’lgan (14 yosh ham shunga kiradi) p’smir va qiz bolalar soni va salmog’I oshmoqda. Agar 1926 – yilda shu yoshdagilarning aholi tarkibidagi ulushi 34,4 foiz bo’lgan bo’lsa, hozirda 50 foizga yaqinlashmoqda.