Amaliy mashg‘ulot №3 Mavzu: Taqvimiy mavzuli rejani ishlab chiqish

2-topshiriq.
a) Mavzularning o’qitilish tartibini tahlil qiling va o’rinli joylashtiring;
b) Dasturning mavzuli reja qismida bob uchun ajratilagan umumiy soatini mavzularga mazmuni, hajmi va o’zlashtirish imkoniyatlarini hisobga olgan holda taqsimlang;
Tushuntirish:
Amaliy ishning bu bosqichda kalendar mavzuli rejaning qolgan 5-14-ustunlarini to’ldirish talab etiladi. Ularni to’ldirishda quyidagi ko’rsatmalarga amal qiling:

1. 
   5-ustun o’qitish shakli- o’quvchilarni bilim, malaka va ko’nikmalar bilan qurollantirish uchun ular qay tarzda tashkil etilganligini xarakterlaydi;
   
2. 
   Mehnat ta`limini o’qitishning bir necha xil shakllari mavjud bo’lib, ular maktabdagi ta`lim-tarbiyaviy ishlar xarakteri, mahalliy shart-sharoitlar va ta`limning umumiy maqsad hamda vazifalarini hisobga olgan holda tanlanadi.
   
3. 
   6-ustun.O’qitish metodi-o’qituvchi tomonidan bilim, malaka va ko’nikma singdirilishi va o’quvchilar tomonidan bu bilim, malaka, ko’nikmalarni o’zlashtirish o’ziga xos usullarini xarakterlaydi.
   
4. 
   7-ustun. Ish ob`ekti – har bir mavzuni o’qitishda nazariya bilim amaliyotining birligi printsipiga amal qilishimiz zarur. SHu sababli berilayotgan ishlar bir-biriga mos kelishi kerak. Bu narsani nisbiy hal etishda o’quv ustaxonada qilinadigan ishlar ro’yxatidan foydalaniladi. Birinchi ish ob`ektini qaysi mavzuni o’qitishdan boshlab qaysi mavzuni o’qitishda tugatishimiz kerak ekanligini aniqlab, so’ngra buning uchun ajratilgan vaqtlarni hisobga olgan holda to’ldiriladi. Bunda har bir darsda kirish instruktaji va boshqa tashkiliy ishlar uchun sarflanadigan vaqtlar hisobga olinmog’i kerak.
   
5. 
   8-10-ustunlar. Bu ustunlar tanlangan, ish ob`ektini tayyorlash uchun qanaqangi xomashyo ( aniq turi, o’lchamlari) kerak va uning uchun qaysi o’lchov va asboblari zarur ekanligi hamda texnologik kartalar ko’rsatiladi.
   
6. 
   11-ustun. Jihoz va moslamalar. Ish bajarishda foydalaniladigan dastgohlar yoki qurilmalar kiritish mumkin.
   
7. 
   12-ustun. Texnik xujjatlar. Dastgohlar yoki qurilmalarning pasport yoki boshqa texnik hujjatlarini ham kiritish mumkin
   
8. 
   13-ustun. Fanlararo bog’lanish ishlab chiqilgan mehnat ta`limining tabiiy-ilmiy sikldagi fanlar bilan aloqadorligi grafigiga asoslangan holda har bir mavzuni boshqa fanlardan o’rganilgan qaysi bo’limning qaysi mavzusiga bog’lab o’tish mumkinligi oldindan rejalshtiriladi.
   
9. 
   14-ustun. O’qitishning texnikaviy vositalari – tegishli mavzuni o’rgatishda O’TVning qayi turi qo’llanishi mumkin ekanligi (sharoitni hisobga olgan holda) ko’rsatiladai.
   
10. 
    15-ustun. Mavzuga taalluqli ishchi kasblari va kasbkorlik xaqida ma`lumot beriladi.
    
11. 
    16-ustun. O’qituvchi va o’quvchi ushbu mavzu mazmuni bilan qaysi adabiyot yoki qo’llanmaning qaysi beti, nechanchi paragrafida tanishish mumkinligi aniq ko’rsatiladi.
    
12. 
    Izoh. Biror sabablarga ko’ra o’quv dasturi yoki mavzuli rejada o’zgarish sodir bo’lib qolsa, dasturning bajarilishiga oid ko’rsatmalar va boshqa izohlar berilishi mumkin.