Amaliy mashg‘ulotlar dasturi mustaqil ta'lim

Fanni o'qitish semestrlari va uslubiy ko'rsatmalari.
O'zbek tili eng avvalo, O'zbekistonda yashaydigan (millatidan qat'i nazar) barcha uchun davlat tilidir. Bundan tashqari nutqiy savodxonlik har bir oliy ma'lumotli mutaxassis uchun muhim ahamiyatga egadir.
Talabalar o'zbek tilidan lisey va kollejlarda egallagan bilimlarini tanlagan ixtisosliklari sohasidagi leksik vositalar bilan boyitishlari, turli muloqot mavzulariga oid ko'nikmalarni mustahkamlashlari, ixtisoslikka oid matnni tushunish, so'zlab berish, shunday matn tuz olish malakalariga ega bo'lishlari lozim.
Shuning uchun o'zbek tili fanini 1-kursning 1 va 2-semestrlarida o'qitish maqsadga muvofiqdir.
Har bir mashg'ulotda talabalarning faolligiga erishish uchun mavzu yuzasidan bajariladigan ishlar oldidan rejalashtirilib, talaba bu ishlardan xabardor etilishi lozim. Shunda zarur nutqiy vaziyat ham, savol javob ham, mashq va topshiriqlar ham yuksak mas'uliyat bilan bajariladi. Mavzuga oid grammatik bilimlarni esa imkon qadar talabaning mustaqil bilim olish va mustaqil ravishda o'z ustida ishlashi uchun vazifa qilib berish maqsadga muvofiqdir. Asosiy e'tibor matn ustida ishlashga, matn tuzishga qaratilgani uchun ham talabani o'z nutqi ustida ishlashga majbur qilish uning xatolarini o'z vaqtida tuzatish, zarur o'rinlarda yordamlashish, birgalikda qo'shib olib borilgani ma'quldir.
Tilni mukammal o'rganishda, avvalo, hayotiy nutq mavzulari bo'yicha savol-javob, suhbat, bahs uyushtirish muhim ahamiyatga ega. Tavsiya etilgan mavzulardan kelib chiqib ularga har xil sharhlar berish (fonetik, leksik, grammatik) asosida darsni olib borish maqsadga muvofiqdir. Savol-javob, suhbat bahslashuv orqali mustaqil yozma ishlar uyushtirish, matn tuzdirish, talablarning o'zbek tilidan hosil qiladigan malaka va ko'nikmalaridan kelib chiqib belgilanadi. Chunki nofilologik ixtisosliklarda til o'rganishni o'sha soha fanlariga moslashtirib talab qiladi. Masalan, yozma ishlar o'tkazish, so'zlashuv, bahs-munozara darslarini o'qituvchi har bir fakultetning ixtisosiga ko'ra belgilanishi maqsadga muvofiqdir. Oliy o'quv yurti imkoniyatlari asosida o'zbek tili fanidan mashg'ulotlarni yo'lga qo'yish zarur.