Assalomu alaykum muhtaram prezident! Siz bilan koʻrishganimdan hursandman!

Assalomu alaykum muhtaram prezident!
Siz bilan koʻrishganimdan hursandman!
Men Yetmishev Xusanjon Ergashevich Geologiya Fanlari Universiteti , Neft va gaz konlari geologiyasi fakulteti 2-kurs bakalavr bosqich talabasiman.
Sizning tashabbusingiz va say harakatlaringiz bilan Geologiya Fanlari Universiteti ochilishi barchamizni birdek quvontirdi desam yanglishmayman! Universitetga qadam qoʻyar ekanman avvalo qalbimda gʻurur va iftixor, shunday yurt farzandi ekanligimdan faxr tuygʻusi yanada joʻsh urdi. Universitet tasavvur qilganimizdanda juda chiroyli. Universitetimizda biz talabalar uchun yaratilgan shart sharoitlarni koʻrib, yana ham shijoatimiz ortdi. Universitetimizda yuqori shart sharoitlarga ega talabalar turar joyi, barcha yangi texnika va texnologiyalar bilan jihozlangan oʻquv binosi, bir qancha ilmiy instutlar, muzeylar, sport zallari va yana boshqa yangi oʻquv binolari qad rostlagani bizning qiziqishimizni yanada oshirdi va kasbimizga muhabbat uygʻotdi.
Menga Universitetimizning kutubxonasi juda yoqdi va biz kutganimizdanda yaxshi tashkil etilgan. Kutubxona avtomatlashtirilgan zamonaviy texnika va texnologiyalar bilan jihozlangan 3 qavatdan iborat ekanligi bizga juda katta qulayliklar berdi.
Albatta yuqori malakali hamda mustaqil fikrga ega kadrlarni tarbiyalashda kitobxonlik madaniyatining oʻrni beqiyos. Bu borada sizning tashabbusingiz bilan qabul qilingan “ Mutolaa madaniyati haqida”gi farmoyish ham alohida ahamiyatga ega. Bundan tashqari oʻz ustida ishlaydigan, izlanuvchan kadrlar, manashu kitoblarga boy, shart sharoitlarga toʻla kutubxonadan foydalanib, oʻz qiziqishlarini va ehtiyojlarini qondira oladilar. Va biz boʻlajak kadrlarni tayyorlashda bu kutubxona alohida ahamiyatga egadir.
Albatta biz shunday shart sharoitlardan oqilona foydalanishga va sizning ishonchingizni oʻz bilimimiz, yaxshi oʻqishimiz, yurtimizga foydasi tegadigan yaxshi kadr boʻlishimiz orqali oqlashga chin dildan harakat qilamiz va vaʻda beramiz. Barchasi uchun sizga katta rahmat!
(Xusanjon Yetmishev Ergashevich)