Ba-yoshlarning sanogen tafakkurini rivojlantirishda refleksiv yondashuv mohiyati ismailov murodulla kaxramonovich

Perspektiv komponent (lot. Perspictio - aniq koʻrmoq va tasvirlamoq) - kelajakda sodir bo’lishi mumkin bo’lgan voqea-hodisa va holatlar haqida fikr yuritish, faoliyat yo’nalishi to’g’risida fikrlash, loyihalashtirish va muvaffaqiyatga erishishni ta’minlovchi eng samarali usullarni aniqlash tizimi. Shuningdek, perspektiv ko’nikmalar shaxsga faoliyat natijalarini bashorat qilish va turli xil mazmunga ega bo’lgan holatlarni baholashga imkoniyat yaratadi. Biroq, sanogen refleksiyaning ushbu tarkibiy komponentisiz ma’lum bir jarayonni oldindan aniq tasvirlash va muammolarni hal qilishning eng samarali usullarini tanlash mumkin emas.

Xullas, refleksiv ko’nikmalar yangi g’oyalarning asosiy indikatori sifatida qaraladi. Agar refleksiya hodisasini muayyan jarayonni butunligicha aks ettirish usuli deb hisoblasak, unda u bizga ushbu jarayonni kuzatish va kamchiliklarini aniqlash, tanqidiy munosabatda bo’lish imkonini beradi. Bunday introspektsiyaga ega bo’lgan shaxs ijobiy yutuqlarga erishadi. Bu orqali biz yashirin fikr va g’oyalarni oshkor qilishga imkon beradigan yangi mexanizmni, ya’ni sanogen tafakkur yuritish tarzini o’zlashtiramiz.