Бахмал тумани фвдт ҳудудий тизими бошқарув органлари, куч ва воситалари билан ўтказиладиган қўмондонлик-штаб ўқув машқига тайёргарлик кўриш ва ўтказиш бўйича ташкилий кўрсатмалар

Жиззах вилояти ҳокимининг
2021 йил “____” мартдаги
___ -сонли буйруғига
1-илова

Бахмал тумани ФВДТ ҳудудий тизими бошқарув органлари, куч ва воситалари билан ўтказиладиган қўмондонлик-штаб ўқув машқига тайёргарлик кўриш ва ўтказиш бўйича ташкилий кўрсатмалар

1. 2021 йил 7-9 апрель кунлари Бахмал туманида “Бошқарув органлари, ФВДТ ҳудудий қуйи тизимларининг аҳоли ва ҳудудларни фавқулодда вазиятлардан муҳофаза қилиш бўйича ҳаракатлари” мавзусида ҳамкорликдаги қўмондонлик-штаб ўқув машқлари ўтказилсин.

2. Қуйидагилар ўқув машқининг амалий тадбирлари этиб белгилансин:
фавқулодда вазиятларни бартараф этиш тадбирлари Бахмал тумани “Маданият” ҚФЙ ҳудудидан оқиб ўтувчи сел сойининг ўнг томони қирғоқларини мустаҳкамлаш;
Бахмал туманидаги Тиббиёт бирлашмасида оммавий равишда жабрланганларга биринчи тиббий ёрдам кўрсатиш бўйича отряди фаолиятини дала шароитида ташкил этиш” мавзусида амалий семинар ўтказиш;
Бахмал тумани фуқаро муҳофазаси йиғма командаларининг куч ва воситалари саф кўригини ўтказиш;
Бахмал туманидаги “Бахмал Ўсмат фахри” МЧЖга қарашли автомобилларга сиқилган газ тўлдириш шаҳобчаси, Бахмал тумани электр тармоқлари корхонаси, “Ҳудудгаз Жиззах” МЧЖ Бахмал тумани филиали, “Жиззахсув таъминоти” МЧЖ туман филиали, “Сирли Самар” МЧЖга қарашли савдо комплекси, “Ўсмат Ойл” МЧЖга қарашли автомобилларга суюлтирилган газ тўлдириш ва ёқилғи шаҳобчаларида тегишли ФВДТ хизматларини жалб этган ҳолда юзага келиши мумкин бўлган фавқулодда вазиятларни бартараф этиш юзасидан махсус-тактик ўқув машқлари ўтказиш;
қўмондонлик-штаб ўқув машқи давомида санитария қоидаларига қатъий риоя қилган ҳолда аҳоли орасида, корхона ва ташкилотларда қиш мавсумида юзага келиши мумикн бўлган фавқулодда вазиятларнинг олдини олиш юзасидан кенг қамровли профилактик тадбирлар ўтказиш.
3. Қуйидагилар қўмондонлик-штаб ўқув машқининг асосий мақсадлари этиб белгилансин:
Бахмал тумани ФВДТ бошқарув органларининг ўз олдига қўйилган вазифаларни бажариш даражасини аниқлаш;
хабар бериш тизимини амалда текшириш, фавқулодда вазиятлар содир бўлган ҳудудда авария-тиклаш, эпидемик вазиятни барқарорлаштириш, шунингдек авария-қутқарув ва бошқа кечиктириб бўлмайдиган ишларни олиб боришда моддий-техник таъминот масалаларини ҳал этиш;
юзага келиши мумкин бўлган табиий ва техноген хусусиятли фавқулодда вазиятлар ва диверсион-террористик хуруж оқибатларини бартараф этишда тегишли ташкилот ва муассасаларнинг ҳамкорликдаги ҳаракатларини мувофиқлаштириш;
зилзила оқибатларини бартараф этишда ФВДТ ҳудудий қуйи тузилмаларининг ҳамкорликдаги ҳаракатларини ташкиллаштириш ва мувофиқлаштириш.
4. Ўқув машқи ғоясида:
раҳбарлар таркиби ва аҳолисини огоҳлантириш тизимини амалда синаб кўриш;
вилоят ва шаҳар (туман) ФМ бошлиқларининг ҳаракатдаги бошқарув пунктларини ёйиш ва улар орқали бошқарув, ўзаро маълумот алмашуви ва сигналларни узатишни ташкил этиш;
ҳудудда сейсмик, эпидемик ва гидрометеорологик вазият ёмонлашганда туман ФВДТ бошқарув органлари раҳбарларининг қарор қабул қилиш бўйича билим ва кўникмаларини амалда текшириш;
йиғма механизация командаларининг тайёргарлигини қирғоқларни мустаҳамлаш ишларини амалда олиб бориш йўли билан текшириш;
ўқув машқи раҳбарининг қарорига асосан белгиланган нуқталарда ФВДТ қуйи тизими хизматларининг ҳаракатларини амалда текширилиши кўзда тутилсин.
5. Фавқулодда вазиятлар бошқармаси (Р.Ибрагимов), Соғлиқни сақлаш бошқармаси (О.Махмудова), Санитария-эпидемиологик осойишталик ва жамоат саломатлиги бошқармаси (М.Умаров):
жаҳондаги ва республикамиздаги коронавирус инфекцияси бўйича эпидемик вазиятни инобатга олиб, қўмондонлик-штаб ўқув машқи давомида асосий эътибор эпидемик фавқулодда вазиятлар юзага келганда уларни бартараф этиш бўйича ҳаракатларни мувофиқлаштириш, эпидемик вазиятни барқарорлаштириш бўйича ходимларнинг назарий ва амалий кўникмаларини оширишга қаратилсин;