Bakalavriatning o`zbek filologiyasi yo`nalishi uchun

Farzandim, she'rginam, bor tezroq, 
Makon qur eng toza yurakda... 
Zulfiya ijodini bir-ikkita mavzu bilan chegaralab bo`lmaydi.Shoira ijodning 
mavzu doirasi keng, obrazlari rang`-barangdir. Lekin uning asarlarini mutolaa 
qilgan kitobxon Zulfiyaning yurt kuychisi ekanligini aniq bilib oladi. U ana shu 
yurti fuqaralarining hayotini ko`ylaydi, ularni shoira "Yuragimga yaqin kishilar" 
deb biladi. Shoira uchun "ismini ham kasbini ham bilmay"digan bu odamlarning 
hamma-hammasi tanishdir. Chunki shoira uchun:
Yurtim xaritasi - mening yuragim, 
 
Eng uzoq burchi ham tanish va yaqin. 
 
Muqaddas gavharday saqlayman unda, 
Yigirma millionli xalq muhabbatin. 
Zulfiya she'riyati teran fikr bilan jo`shqin hissiyot uygunligidan hosil 
bo`lgan intellektual va psixologik she'riyatdir. U tahliliy,falsafiy, o`ynchan ayni 
chog`da aniq manzarali she'rlardir. Shoira hissiyot oqimini, kechinma manzarasini, 
o`tkir dramatik holatni, dramatizmning cho`qqisi - fojeiy kolliziyalarni chizadi.

---

"Men she'rlarimining bir mavzu atrofida cheklanib qolishini istamayman" deydi 
shoira. Uning lirikasi chindan ham rang-barang mavzularda yaratilgan. 
Zulfiyaning butun ijodi o`zbek ayoli qismatining uzoq va murakkab yo`lini 
o`zida mujassam etgan badiiy ko`zgudir. Ijodkorning "Lobar qizlarga", "O`zbek 
qizi ovozi',"Saodatning amerikalik xonimga javobi", "Paranjisini tashlamagan 
xotinga", "Zootexnik qiz" kabi she'rlarida o`zbek ayolining o`ta baxtli,farovon 
hayoti to`g`risida madhiyabozlik ruhida yaratilganlari ham bor. 
60-yillardan boshlab Zulfiya ijodining ufqlari yanada kengaydi. Shoiraning 
otashin so`zlari endi umumbashariy muammolarni qamrab ola boshladi.U avvalo, 
oddiy fuqaro va insonparvar ijodkor, yirik san‟atkor sifatida olam va odam 
taqdiriga befarq qaray olmaydi. O`z taqdirini xalqi va butun insoniyat taqdiri bilan 
chambarchas bog`liq holda anglash hissi Zulfiya ijodiga siyosiy va falsafiy ruh 
bagishladi. Misol uchun " Salom sizga, erkparvar ellar! " , O`g`lim, sira 
bo`lmaydi urush", " Men chizolmagan surat", "O`g`irlamang qalamim bir kun", 
"Mushoira" kabi she'rlarini olib ko`raylik. Ularda butun dunyodagi mehribon 
ayollarni ruhiyati va maqsad-intilishlarini o`zida mujassamlashtirgan ona hamda 
ulkan san‟atkor siymosi namoyon bo`ladi. Shoira mazkur she'rlarida "Ijod, 
yaratishning shavqiga to`lib zo`r ishonch bilan olg`a borayotgan ," ertani bugungi 
keltirmoq uchun" kurashayotgan, " ... non ,sevgi, mehnat, do`stday, aziz ayol 
surati" ni chizish ishtiyoqi bilan rang izlayotgan inson qiyofasida namoyon 
bo`ladi. Shoira ijodining bosh belgisi sifatida shunday ahd qiladi: 
Men chizaman ... non, sevgi, mehnat, 
 
 
Do`stday aziz ayol suratin, 
 
 
Shu kamtarin, shu ulug` san’at - 
 
 
Mening yurtim, mening shuhratim. 
Respublikamizning milliy mustaqillikka erishishi Zulfiyaga ilhom berdi. 
Yillar davomida qimtinib,haqiqatni bor bo`yicha ayta olmay, yuragi o`rtanib 
yurgan shoira yangi davr kelganini teran his etdi. Bosib o`tilgan yo`lga yangicha 
nazar - adolat ko`zi bilan boqib, ularni o`z nomi bilan atab, haqqoniy realistik 
she'rlar yarata boshladi. Endi shoiraning ovozi yanada tiniq, o`ktam, ohanglari, 
sadoqatli tus oldi. Uning "Shaqkning o`zi ona bo`lgan hamisha " "Iqrorga vaqt 
yetdi" kabi she'rlari, "Hotiram siniqlari" dostoni Zulfiya ijodining yangi sahifasi, 
yangi bosqichi va hozirgi davr o`zbek she'riyatining qonuniy yutugi deyishga 
arziydi. "Sharqning o`zi ona bo`lgan hamisha" she'rining sarlavhasi ostiga shoira 
"Boy o`tmishimizga tuhmat toshlarini otayotgan xorijdagi ba‟zi olimlarga mening 
javobim" deb yozib qo`ygan. She'rda shoira xalqimizning tarixda hech qachon 
avom, qul, mute‟ , bo`lmagani, aksincha, ozod, erkin yashash uchun mardona 
kurashib, insoniyat tarixi g`ildiragini olg`a yurgizishga buyuk hissasini qo`shgan 
ulug` zotlar yetishtirib berganini aytadi. Unda shoira buyuk zotlarimizni shunchaki 
tilga olibgina qolmaydi, yorqin ixcham misralarda ular buyukligini ta‟riflaydi: