Baxtiyorjon. Sizning ta`limingiz olmagan kim bor

Baxtiyorjon.
Sizning ta`limingiz olmagan kim bor
Siz – ku yuraklarda ilk ziyo yoqqan
Olimmi, Shoirmi, va yo San`atkor
Ilk bor siz tomon ustoz deb boqqan

Baxtiyorjon.

Assalomu alaykum mexri daryo, qalbi quyosh, jonkuyar, fidoiy muallimlar, aziz ustozlar!
Bugun biz o`z qalb qo`rini, ko`z nurini, mexr muxabbatini, kelajagi buyuk yurtga barkamol avlodlarni komil insonlarni tarbiyalashdek mas`uliyatli vazifani zimmalariga olib, bu oliyjanob ishni sharaf bilan bajarishga bel bog`lagan ustozlarimizni, muallimu murabbiylarimizni qutlash, e`zozlash maqsadida yig`ilganmiz.
O`qituvchilik azal azaldan e`tiborli kasb xisoblanadi. Dunyoning xech qaysi mamlakatida o`qituvchi murabbiylarga nisbatan bu qadar e`tibor qaratilmagan va e`zozlanmagan. Mamlakatimizda Respublika Prezidentining farmoni bilan 1997 – yildan boshlab 1 – oktabr “ O`qituvchi va murabbiylar kuni ” umumxalq bayrami sifatida nishonlanib kelinmoqda.
Aziz xalqimizning bir naqlida: “ Sen odamlarga bir yil yaxshilik qilmoqchi bo`lsang bug`doy ek, o`n yil yaxshilik qilmoqchi bo`lsang ta`lim tarbiya ber deyilgan. Shu bois qadimdan kishilar o`z zurriyotlarini ustoz qo`liga topshirar ekanlar “ Eti sizniki, suyagi bizniki bizniki ” deb ustozga nisbatan ishonch bildirishgan.

Qadrli ustoz! Xayot kitobini ochuvchi sizsiz. Yaxshi yomon kunlarimizning kuzatuvchisi xam siz. Sizni ko`rib shodlanamiz. Yuragimiz, qalbimiz bilan sizga talpinamiz aziz ustozlar.

Darhaqiqat, ustoz buyuklar ichra buyuk zot. Zotan al – Xorazmiy, Abu Ali ibn Sino, Beruniylarning ham ilm olamiga ilk tetapoyalari oddiy o`qituvchi, ustoz ko`magida tashlangan. O`qituvchi mash`ala. U o`zi yonib, o`zgalar yo`lini yoritishga umrini bag`ishlagan fidoiy insondir. Muallim – matonat timsoli. U mexr muxabbat, ezgulik ramzi. Zero bolaning murg`ak qalbiga ezgulik urug`ini qadagan, ilmga tashnalik, ota ona, vatanga mexr xissini uyg`otadigan inson – O`qituvchidir.
Aziz mehribon ustozlar, sizlarni yana bir bor bayramingiz bilan chin qalbimizdan tabriklaymiz. Sizlarga sog`u salomatlik barkamol avlodni tarbiyalash yo`lidagi mashaqqatli, lekin ulug` va sharafli ishlaringizda ulkan zafarlar va omad, oilangizga esa tinchlik, shodu xurramlik tilaymiz.