Berdaq Qarg‘aboy o‘g‘li

Berdaq Qarg‘aboy o‘g‘li Berdaq Qarg‘aboy o‘g‘li (Berdimurot Qarg‘aboy o‘g‘ili, 1827-1900) 1827-yil 9-noyabrda qoraqalpoqlarning Qo‘ng‘irot begligiga qarashli Amudaryoning Orol dengiziga quyilish joyida Quvliko‘l degan qishloqda dehqon oilasida dunyoga keldi. Berdaqning oilasi nochir kun kechirib, baliqchilik va dehqonchilik bilan shug‘ullangan. U dastlab qishloq masjidagi maktabda o‘qigan, keyin Qoraqum eshon madrasasida ta’lim olgan. Berdaq yoshligida (10 yoshida ) ota-onasi vafot etgandan so‘ng oilaviy sharoitiga ko‘ra o‘qishni tugallay olmagan. Berdaq shoirning hayoti va ijodiyoti haqida qoraqalpoq xalqi orasida juda ko‘p qadimiy afsonalardan tashqari Berdaq shoir haqida o‘zbek, qozoq, turkman xalqlarining og‘zaki ijodida ko‘pgina qo‘shiqlar, ertaklar, afsonalar yaratilgan. Bu adabiyot tarixida katta voqea bo‘ldi. Berdaq shoir mudom zahmatkash xalqning g‘am-tashvishlariga sherik bo‘lib yashadi. Uning she‘rlarida mehnat kishisining qayg‘u-azobi, adolatsizlikka qarshi o‘tli g‘azabi ifodalanadi. Shoirning «Xalq uchun», «Izlar edim», «Bo‘lgan emas», «Panoh ber» «Yaxshiroq», «Soliq», «Zamonda» she‘rlari va «Omongeldi»,«Oydo‘s bobo», «Ernazar», «Ahmoq podsho», «Shajara», «Xorazm» kabi asarlari bor. U o‘zining «Ahmoq podsho» asarida qoraqalpoq xotin-qizlarining mardligini, go‘zalligini ta’riflaydi. “Shajara” dostonida esa qoraqalpoq xalqining kelib chiqishini she’riy yo‘l bilan tasvirlagan. Berdaq shoir 1900-yili 73 yoshida vafot etadi va Qoraqum eshon qabristoniga dafn etilgan.