«Биохилма-хилликни сақлаш ва ривожлантириш» Республика илмий-амалий анжумани

Nizomiy nomidagi Toshkent davlat pedagogika universiteti 
Ushbu maqolada О‘zbekiston respublikasi oliy va о‘rta maxsus ta’lim 
vazirligining 2009 yil 14 - avgustdagi 286-sonli “Talabalar mustaqil ishlarini tashkil 
etish tо‘g‘risida”gi buyrug‘i va shu buyrug‘ning 1-ilovasi - “Talabalar mustaqil ishini 
tashkil etish va nazorat qilish bо‘yicha yо‘riqnoma” ni bajarilish holati haqida so‘z 
boradi. Talaba fanga oid ma’lumotlarini mustaqil о‘z ustida ishlashi natijasida о‘qib 
о‘rgansa, о‘zlashtirish yuqori bо‘lishi tajribada isbotlangan. Shuning uchun 
talabalarni mustaqil ishlarini tо‘g‘ri tashkil etish, shart-sharoitlarini yaratish va 
mashg‘ulotlarda talabalarni о‘qitish bilan bir qatorda ularni kо‘proq о‘qishga, 
mustaqil bilim olishga yо‘naltirish oliy ta’limning dolzarb vazifalaridan biri 
hisoblanadi. 
Zoologiya hayvonat olamining xilma-xilligi va uni bir butunlik sifatida 
o‘rganish hamda sayyoramiz miqyosidagi hayotiy tizim tuzilishiga tegishli muhim 
umumbiologik muammolarni hal qilishda markaziy o‘rinlarda turadi. Xalq xo‘jaligi 
va amaliyotda zoologiya fanini uslub va yutuqlaridan foydalanish yoritib beriladi. 
Talabalar hayvonat olami qonuniyalarini o‘rganish asosida hayvon organizmlarining 
tuzilishi, ko‘payish usullari, o‘sishi, rivojlanishini turli tumanligi, ularni morfologik, 
anatomik, fiziologik va ekologik jarayonlarini yoritishda ushbu fanni ahamiyati 
naqadar katta ekanligiga ishonch hosil qiladilar. Umurtqasizlar zoologiyasi 
sohasidagi bilimlar hayvonot dunyosini muhofaza qilish va undan oqilona 
foydalanish, qishloq xo‘jaligi, o‘rmon va bog‘dorchilikka, oziq-ovqat va sanoat 
mahsulotlari zahirasiga ziyon keltiradigan, shuningdek odam va hayvonlarga xavfli 
kasalliklarni tarqatadigan parazitlarga qarshi kurash choralarini ishlab chiqish, 
zamonaviy zoologiya tibbiyot, qishloq xo‘jaligi, veterinariya bilan bevosita 
bog‘langanligini aniqlash, zoologiyaning ayrim bo‘limlari, xususan, parazitologiya, 
gidrobiologiya, epizootologiya, epidemiologiya kabi predmetlar kompleks fanlar 
tarkibiga kirishi to‘g‘risida ham bilimlarga ega bo‘ladilar. 
“Zoologiya” fanidan darsni yuqori ilmiy - pedagogik darajada tashkil etilishi, 
muammoli mashg‘ulotlar o‘tkazilishi, darslarni savol-javob tarzida qiziqarli tashkil 
qilinishi, ilg‘or pedagogik texnologiyalardan va multimedia vositalaridan samarali 
foydalanish, talabalarni mustaqil fikrlashga undaydigan, o‘ylantiradigan muammoli 
savollarni ular oldiga qo‘yish, talabchanlik, tinglovchilar bilan individual ishlash, 
ijodkorlikka yo‘naltirish, erkin muloqotga kirishishga, ilmiy izlanishga jalb qilish va 
boshqa tadbirlar fan mavzularini chuqur egallashni ta’minlaydi. 

---