Бирлашган Миллатлар Ташкилотининг Халқаро товарлар олди-сотдиси шартномалари тўғрисидаги

100- модда

1) Мазкур Конвенция фақат 1 модданинг 1 банди "а" кичик бандида тилга олинган Келишаётган давлатлар учун ёки 1 модданинг 1 банди "b" кичик бандида тилга олинган Келишаётган давлат учун кучга кирган куни ёки ундан сўнг шартномани тузиш ҳақидаги таклиф қилингандагина қўлланади.

2) Мазкур Конвенция фақат 1 модданинг 1 банди "а" кичик бандида тилга олинган Келишаётган давлатлар учун ёки 1 модданинг 1 банди "b" кичик бандида тилга олинган Келишаётган давлат учун кучга кирган куни ёки ундан сўнг кучга кирган шартномаларга нисбатан қўлланади.

101-модда

1) Келишаётган давлат, депозитарийга расмий ёзма хабарномани юборган ҳолда, мазкур Конвенцияни ёки унинг II қисми ёхуд III қисмини денонсация қилиши мумкин.

2) Депозитарий томонидан хабарнома олингандан сўнг денонсация ўн икки ой тугашидан кейинги ойнинг биринчи кунида кучга киради. Агар хабарномада янада узоқ давом этадиган давр кўрсатилган бўлса, депозитарий томонидан хабарнома олингандан сўнг ушбу давомий давр тугаши билан денонсация кучга киради.

Венада бир минг тўққиз юз саксонинчи йил ўн биринчи апрелда ягона нусхада тузилган бўлиб, инглиз, араб, испан, хитой, рус ва француз тилларидаги матнлари тенг баравар ҳисобланади.

Бунинг тасдиғида ўзининг ҳукуматлари томонидан тегишли равишда ваколат берилган қуйидаги ваколатли вакиллар мазкур Конвенцияни имзолади.