Boshlovchi: Assalom so`z dunyosidan sizga salom

Ogahiyning so`z gulshani aro

Muhammad Rizo Ogahiy tavalludiga bag`ishlangan tadbir ssenariysi

1. 
   boshlovchi:
   

Assalom so`z dunyosidan sizga salom.

Dilso`z nazm gulshanidan bir ehtirom.

Bugun diydor, dillashmoqning ayyomidir.

Sahnamizda Ogahiyning kalomidir.

2. 
   boshlovchi: Sizga salom she`riyatning shaydolari,
   

Azizlar-u ,davronimiz donolari.

Dilso`z nazm aro bugun tashlar nigoh

Ogaiydek ulug` zotning shaydolari.

1. 
   Boshlovchi:
   

Yana bir bor assalomu aleykum bugungi tadbirimizning aziz mehmonlari va mezbonlari. Davronimiz donolari,yoshlarga ilm-u ziyo ulashayotgan ustozi mukarramlari.

2. 
   Boshlovchi:
   

Assalomu aleykum! Bugun bu yerga Xorazmning buyuk farzandi arjumandi,ijod salohiyati jihatidan qoldirgan ijodiy merosi Hazrat Navoiydan keyingi o`rinda turuvchi deya, ,, ogohlarning Ogahiydur’’ deya ta`riflandan Muhammad Rizo Ogahiyning tavallud ayyomlarini ul zotning muborak nomlariga monand tarzda nishonlab,ruhi muboraklarini shod qilish maqsadida yig`ilgan muhtaram vohadoshlar!

1.Boshlovchi: Muhammad Rizo Ogahiy qadim va navqiron Xorazmning o`z davrida yetuk allomalaridan, shoir-u tarjimonlaridan,tarixchi-yu miroblaridan sanalib ,ul zot qoldirgan ulkan meros bugun ham katta ahamiyatga egadir.

2.boshlovchi:Bugun biz sizga dengizdan bir tomchi sifatida Muhammad Rizo Ogahiyning ijodiy merosidan namunalar taqdim qilish uchun yig`ildik.

1.Boshlovchi: Bugungi,, Ogahiyning so`z gulshani aro’’ deb nomlangan tadbirimizni ochib berish uchun so`z navbatini_________________________________________________________________________

ga beramiz.

2.Boshlovchi: IX asrda Xiva xonligi tarixida o’chmas iz qoldirgan buyuk insonlardan biri – Muhammad Rizo Erniyozbek o’g’li Ogahiy edi. 1809 -yilda Xiva shahri yaqinidagi Qiyot qishlog’ida mirob oilasida tavallud topgan adib: “Biz Xivada yashovchi yuz toifasidan bo’lgan Amir Eshimbiyning avlodidandirmiz”, – deb yozgandi.