Boymuratov B. X., Daminov A. D

Qayta o‘rash avtomatlarining afzalliklari:

1. 
   Markaziy nazorat tizimi.
   
2. 
   Ko‘plab ma’lumotlarni tez olish imkoniyati.
   
3. 
   Taranglikni avtomatik ravishda rostlash imkoniyati.
   
4. 
   Ip tozalash chegarasining kengligi.
   
5. 
   Avtomatik ip ulash.
   
6. 
   Ipning ulangan joyi diametrini nazorat qilish imkoniyati.
   
7. 
   Avtomatik ravishda tuftakni taxtlash.
   
8. 
   Avtomatik ravishda to‘lgan bobinani olish.
   
9. 
   Yuqori tezlik va mehnat sarfining kamligi.
   
10. 
    Boshlang‘ich sarf mablag‘ning ko‘pligi.
    
11. 
    Maxsus omillar uchun yuqori sezgirlik darajasi.
    
12. 
    Har bir urchuqni alohida ajratish mumkin.
    

Qayta o‘rash avtomati va mashinalarini taqqoslashda, unum- dorlik, avtomatlashtirish darajasi, narxi, xizmat ko‘rsatish doirasi, egallagan yer maydoni kabi ko‘rsatkichlarga e’tibor berish kerak.
Qayta o‘rash jarayonining yuqori samarali bo‘lishi texnologik omillarni to‘g‘ri tanlashga bog‘liq bo‘ladi. Qayta o‘ralayotgan ipning assortimentiga bog‘liq bo‘lgan texnologik omillarni to‘g‘ri tanlash, ularni rostlash usullarini aniq tasavvur qilish lozim.
Qayta o‘rash avtomatlarining yangi avlodi, bu – qadamli qayta o‘rash avtomatlaridir. Bu avtomatlarda ip taqsimlash tezligi o‘rash tezligiga mos ravishda o‘zgarib boradi va natijada jarayon davomida taqsimlash nisbati bir me’yorda qoladi. Barabanli harakat uzatish usulida o‘rama diametri ortgan sari uning aylanishlari soni mos ravishda kamaytirilib boriladi. Taqsimlash tezligi ham kamayib boradi. 2.11-rasmda qadamli qayta o‘rash avtomatining sxemasi keltirilgan.
Qayta o‘rash avtomatlarida yuqori sifatli bobinalarni tayyorlash- ga, ularning sifatini belgilovchi asosiy talablarni ta’minlab berish ko‘rsatkichlari orqali erishiladi.
Bobinalarning tuzilishi va o‘rama zichligining doimiy bo‘lishligi avtomatning quyidagi qurilmalari orqali ta’minlanadi.