Буфер тизимлар (эритмалар). Буфер эритмаларнинг рН қийматлари

Буфер сиғим. Буфер тизимларнинг таҳлилда қўлланилиши
Бир литр буфер эритма рН қийматини бир бирликка ўзгартириш учун қўшиладиган кучли кислота ёки кучли асоснинг миқдори буфер сиғим деб аталади.
Давлат Фармакопеяси XI нашрида (1 чиқарилиши 1987й) буфер сиғими қуйидагича таърифланган:
«Бир литр эритмага унинг муҳити бир рН бирлигига ўзгаргунча қўшилган кучли асос (В)нинг грамм эквивалент миқдори эритманинг буфер сиғими (β) дейилади (β=dB/dpH≈D/pH).
Буфер эритма тайёрлаш учун ишлатиладиган дистилланган сувнинг рН=5,8-7,0 оралиғда бўлиши керак.
Кучсиз кислота ва унинг тузи эритмаларидан таркиб топган буфер тизимнинг тақрибий буфер сиғимини (суюлтирилмаган эритмаларда) қуйидаги формула билан ҳисоблаш мумкин:
(5.23)
тенгликда С_а ва С_в буфер аралашмадаги кучсиз кислота (С_а) ва унинг тузи (С_в) концентрациялари; К_а – кислотанинг диссоциация доимийси, [Н₃О⁺] – кучли асос қўшилгунга қадар буфер аралашмадаги водород иони концентрацияси.
Буфер эритмалар, қон, лимфа ва бошқа рН қийматлари ўзгармаслиги зарур бўлган суюқликлар муҳитини доимий сақлашда, бинобарин тирик организм хаёт фаолиятини мувофиқлаштириш учун аҳамияти ғоятда катта. Масалан, тегишли буферлар ёрдамида қонимизнинг рН қиймати доимий 7,4 га тенг ҳолда сақланади.
Сифат ва миқдорий таҳлилда ҳам эритманинг муҳити ўзгармасдан сақланиши зарур бўлган холларда буфер эритмалардан фойдаланилади. Масалан, баъзи катионларни (магний Mg²⁺, кальций Са²⁺, қўрғошин Рb²⁺ ва х.з.) комплексонометрик аниқлаш усулида аммиакли буфер ишлатилади.
Ni ²⁺катионини диметилглиоксим (Чугаев реактиви) билан очишда хам худи шу буфердан фойдаланилади. Ацетатли буфер барий Ва²⁺ катионини кальций Са²⁺ ва стронций Sr²⁺катионларидан дихромат – ионлари Cr₂O₇^2- таъсирида ажратишда ишлатилади.
Формиатли буферда рух Zn²⁺ катионларини водород сульфид билан чўктириш мумкин.