Bugungi kunda nafaqat ilmiy tadqiqotlarni, balki kundalik hayotimizni radioelektron apparaturalarsiz tasavvur qilib bo’lmaydi. Elektronika hayotimizning ajralmas qismiga aylanib ulgurdi

KIRISH
Bugungi kunda nafaqat ilmiy tadqiqotlarni, balki kundalik hayotimizni radioelektron apparaturalarsiz tasavvur qilib bo’lmaydi. Elektronika hayotimizning ajralmas qismiga aylanib ulgurdi. Turmushda va ishlab chiqarishda, ilmiy-tadqiqot instituti va konstruktorlik byurosida, hamma yerda biz elektronika bilan to’qnash kelamiz. Aynan, elektronika zamonaviy aloqa vositalari, kompyuter tizimlari va texnologiyalarini, murakkab va nozik operatsiyalarni bajaradigan elektron apparaturalar yaratish imkonini berdi.
Radioelektron qurilmalar juda ko‘p sondagi elektron asboblardan tashkil topadi. Fan texnikaning rivojlanishi bilan ularning soni va turi yanada ortib bormoqda. Shuning uchun radioelektron qurilmaning mustahkamligi, uzoq muddat ishonchli xizmat qila olish qobiliyati va boshqa xususiyatlarini oshirgan holda ularning hajmini kichraytirish, og‘irligi va sarf qiladigan quvvatini kamaytirish kabi masalalar o‘rtaga qo‘yilmoqda.
Sanoatda, elektron asboblardan yoki o’lchash texnikasining elektron qurilmasidan, avtomatikadan va hisoblash texnikasidan foydalanmaydigan sohani topish mumkin emas. Rivojlanish tendensiyasida elektron axborot qurilmalari va avtomatika qurilmalarining qismi uzluksiz ko’payib boraveradi. Bu integral texnologiyaning rivojlanish natijasi bo’lib, ommaviy arzon, yuqori sifatli, maxsus sozlash talab etmaydigan va turli yo‘nalishdagi mikroelektron funksional uzellarni ishlab chiqarishni yo’lga qo’yadi.
Sanoat deyarli barcha elektron funksional uzellarni o’lchash qurilmalari va hisoblash texnikasini yaratish uchun zarur bo’lgan, shuningdek, avtomatika tizimida ham ishlab chiqaradi: elektr signallarini integral elektron kuchaytirgichlar; kommutatorlar; mantiqiy elementlar; elektr kuchlanish ko’paytirgichlar; triggerlar; impuls hisoblagichlar; registrlar; summatorlar va boshqalar. Katta va o’ta katta integral sxemalar asosida hisoblash mashinalari yoki uning asosiy uzellarini o’zida ifodalaydigan, bitta korpusdan yoki bir nechta kam gabaritli korpuslardan tayyorlangan, mikroprotsessorlar va mikroprotsessorli komplektlar yaratilgan. Integral sxemali mikroprotsessorlar tomonidan tashqi elektr signallar kirishida berilishi mumkin bo’lgan va ma’lum dastur asosida amalga oshirilib bajariladigan funksiyalardir. Shunday qilib quyidagi mikrosxemalarni ishlab chiqarish texnologiyasida hech qanday o’zgarishsiz ko’p sonli turli xil raqamli signallarni qayta ishlaydigan operatsiyalarni bajarishga imkoniyat beradi.