Буйруғи умумий ўрта таълим мактабларида тузилган “Ёш қутқарувчи” кўнгилли клублари ўртасида мусобақа ўтказиш ҳақида

4-иловага, таълим муассасаларида “Ёш қутқарувчи” клублари фаолиятини самарадорлигини ошириш бўйича чора-тадбирлар режаси 5-иловага мувофиқ тасдиқлансин.
3. Халқ таълими бошқармаси, Ўрта махсус, касб-ҳунар таълими ҳудудий бошқармаси “Камолот” ЁИҲ ва Фавқулодда вазиятлар бошқармаси билан ҳамкорликда “Ёш қутқарувчи” кўнгиллилар клубларини ташкил этиш, уларнинг доимий фаолиятини таъминлаш ҳамда мазкур клублар ўртасида ҳар бир тизимда уч босқичли мусобақаларни ўтказиш бўйича масъул эканлиги кўрсатиб ўтилсин.
4. Соғлиқни сақлаш бошқармасига жойларда фаолият олиб бораётган клуб аъзолари иштирокида тиббий тайёргарлик бўйича назарий ва амалий машғулотлар ташкил этиш, мусобақанинг барча босқичларида малакали мутахассислар билан таъминлаш вазифалари юклатилсин.
5. Мусобақанинг якуний финал босқичида иштирок этадиган жамоанинг йўл ва овқатланиш харажатлари ташкилий қўмита томонидан юборувчи ташкилот зиммасига юклатилсин.
6. Мусобақанинг умумий ўрта таълим мактаблари ўқувчилари ўртасидаги ҳамда ўрта махсус, касб-ҳунар таълими муассасалари ўқувчилари ўртасидаги вилоят босқичларини ўтказиш учун молиявий харажатлар ҳиссадорлик асосида қоплансин.
7. “Ёш қутқарувчи” кўнгиллилар клубини тузиш, ҳар бир тизимда мазкур клублар ўртасида уч босқичли мусобақани ташкил этиш ва ўтказишга масъул ташкилотчиларнинг фаолияти Фавқулодда вазиятлар бошқармаси томонидан мувофиқлаштириб борилиши белгилансин.
8. “Камолот” ЁИҲ вилоят Кенгаши мазкур қарорни ўн кунлик муддатда барча манфаатдор вазирлик, идора ва ташкилотларга етказилишини таъминласин.
9. 2016 йилнинг февраль ойида “Камолот” ЁИҲ вилоят Кенгаши, Фавқулодда вазиятлар бошқармаси, Халқ таълими ҳамда Ўрта махсус, касб-ҳунар таълими ҳудудий бошқармалари томонидан тасдиқланган “Ёш қутқарувчи” кўнгиллилар клубларини тузиш ва мазкур клублар ўртасида “Ёш қутқарувчи” мусобақасини ўтказиш тўғрисида”ги қўшма қарори ўз кучини йўқотган деб ҳисоблансин.
10. Қарор ижросини назорат қилиш уни имзоловчи бошқармалар ва жамоат ташкилотлари раҳбарлари зиммаларига юклатилсин.