Burishtiruvchi xossaga EGA bo’lgan dorivor preparatlar

3.2. Burishtiruvchi ta’sirga ega Eman va dalachoy o’simliklarini mikroskopik tuzilishini o’rganish
EMAN (DUB) PO'STLOG'I - CORTEX QUERCUS
Oddiy eman (dub) (qo'ng'ir eman, bandli yoki yoz dubi) - Quersus robor L. (Quercus pedunculata Ehrh.) va bandsiz gulli eman (qish dubi) - Quercus petraea Liebl. (Quercus sessilifiora Salisb.); qoraqayindoshlar - Fagaceae oilasiga kiradi.

Sovuq usulda yumshatilgan po'stloqni ko'ndalangiga kesib, preparat tayyorlanadi. Floroglutsin eritmasi va xlorid kislota bilan bo'yalgan po'stloqning ko'ndalangiga kesilgan preparati mikroskop ostida ko'riladi. Mexanik halqa hamda lub tolalari va toshsimon hujayralar floroglutsin va xlorid kislota ta'sirida qizil rangga bo'yaluvchi po'stloqtashqi tomondan probka to'qimasi bilan qoplangan Uning ichkarisida esa po'stlog' parenximasi joylashgan.

Po'stloq parenximasida guruh holida hamda lub tolasi bilan toshsimon hujayralar galma-gal o'mashib hosil qilgan tutash mexanik halqa belbog' bo'ladi. Agar mexanik halqa uzilib kelgan bo'lsa (po'stloq yorilganda), mahsulot past sifatli (qari) hisoblanadi. Ichki po'stloqda bir (yoki ikki) qator joylashgan hujayralardan iborat o'zak nuriari bor. Ular orasida esa guruh-guruh bo'lib joylashgan qalin devorli lub tolalari bo'ladi. Ba'zan guruh holida toshsimon hujayralar ham uchraydi. Parenxima hujayralarida druzlar bo'ladi. Po'stloqni uzunasiga kesib tayyorlangan preparatda toshsimon hujayralar va kristalli hujayralar bilan qoplangan lub tolalarini (uzunasiga) ko'rish mumkin.(1-rasm)