Далний мис – молибден конида гидротермал минерализация

Магистр, ТГТУ. Ортиқов Т.A
[e-mail] Tel [phone]
Илмий рахбар гмфн, доцент Шермухамедов Т.З., ТГТУ.
[e-mail], tel.[phone]
ДАЛНИЙ МИС – МОЛИБДЕН КОНИДА ГИДРОТЕРМАЛ МИНЕРАЛИЗАЦИЯ.

Гидротермал минерализация асосан чуқур скважиналардан олинган кернларда ўрганилди. Бизлар II-II и III-III геологик кесимда 19 та скважина кернларини ўрганиб улардан намуналар олдик. Ўзгарган жинсларни петрографик таркибини ўзгаришига ва метасоматик жараёнларни кучланишига кўра намуналар орасидаги масофа 0,5 дан 25 метргача бўлди. Дарз олди метасоматизмида шлифлар метасоматизм зоналарни ҳамма сидан кетма-кет олинди.

Метасоматик ўзгарган жинсларни кучланишини петрогрфик шлифларда ва намуналарда ўрганганда А.В.Королев томонидан ишлаб чиқилган ва Х.Н.Боймухамедов, И.М. Мирходжаев ва Т.З. Закиров томонидан тўлдирилган беш балли схема асос қилиб олинди. Ҳар бир метасоматик ўзгарган жинсларни масофада ўзгаришини аниқлаш учун макроскопик ва микроскопик ўрганиш маълумотларини II-II и III-III геологик кесимларга ва 480 горизонт схемасига туширилди. Кесимларда метасоматик зоналар тўғрисида тўлиқ маълумотлвр олиш учун беш баллик схема уч балли схемага келтирилди.
Дальний конини ўрганганда бизни маълумотларимиздан ташқари А.Г.Рахубенков (1965), Е.Гунин, Бутьева Е.Р., В.Е.Алехина ва бошқ. (1964), И.М Голованов ва бошқ. (1958) ва бошқа геологларни маълумотларидан ҳам фойданалинди.
Дальний конида гидротермал минерализация уч этапда ҳосил бўлган: маъдандан олдинги, маъданли ва маъдандан кейинги ( -жадвал). Маъдандан олдинги этапни ўзгаришини бошланғич амфибол ва биотит босқичларини метасоматик жараёнларни одинги ишқорли босқичига тўғри келади. Бу жараёнларна магнезиал метасоматоз хосдир. Маъдандан олдинги этапни кварц-серицит-хлорит босқичида ҳосил бўлган ва маъданли этапда ривожланган гидротермик жараёнларни магмадан кейинги метасоматик жараёни кислотали босқичига тўғри келади. Маъдандан кейинги этапда ривожланган ангидрит ва карбонат босқичлари магмадан кейинги метасоматик жараённинг кейинги ишқорли босқчига келади тўғри келади.

Дальний конида ривожланган гидротермал минерализацияни этап ва босқичлари

Этап	Босқичлар	Асосий минерал	Иккинчи даражали минераллар
Маъдандан олдинги	Каврц-амфиболли	Актинолит, кварц	Магнетит, апатит
	Кварц -биотитли	Биотит, кварц	Магнетит, апатит
	Кварц-серицит-хлоритли	Кварц, серицит, хлорит (пеннин)	Пирит, сагенит, карбонатлар
	Эпидотли	Эпидот	Кварц, карбонатлар, хлорит, пирит
	Микроклинли	Микроклин	Кварц, карбонатлар, пирит
Маъданли	Магнетитли	Магнетит	Кварц, гематит, карбонатлар
	Молибденитли	Молибденит	Эпидот, микроклин, халькопирит, карбонатлар, пирит
	Пиритли	Пирит	Кварц, халькопирит,
	Халькопиритли	Халькопирит	Кварц, сеоицит, пирит, хлорит (рипидолит), микроклин, карбонатлар
	Полиметалли	Сфалерит, галенит	Пирит, кварц, халькопирит, карбонатлар
Маъдандан кейинги	Ангидритли	Ангидрит	Кварц, карбонат
	Карбонатли	Кальцит	Кварц, фдюорит,барит

Скарн ва гидротермал ўзгарган жинсларни мис ва молибден маъданланишидаги аҳамияти

Дальний конида магмадан кейинги ўзгарган жинсларни икки тури скарн ва гидротермал минерализация мавжуд, уларни мис – молибден маъданланиши ахамияти ҳар хил.
Скарн минерализацияси кварцли сиенито-диоритлар билан боғланган бўлиб карбонатларни ксенолитларини чегарасида ривожланган. Скарнлар билан магнетит боғланган. Скарн жисмлари кичик гранодиорит-порфир штокларидан узоқда жойлашган. Гранодиорит – порфир штокларини кўтарилаётган вақтда ва минерализациядан олдинги тектоник ҳаракатлар даврида уларда ёриқлар кам ривожланган. Шу сабабли уларда мис-молибден маъданланиши жуда кам ривожланганлигини тушунтириш мумкин.

Дальний конида гидротермал минерализация З.В.Алехина, И.М.Голованов, муаллиф ва бошқалар томонидан ўрганилган. Конда ҳаммаси бўлиб 87 минераллар аниқланган.

Халькопирит кенг ривожланган мис минералидир. У гидротермал минералзацияни маъдан этапини молибденит, пирит, халькопирит ва полиметал босқичларида ҳосил бўлган. Халькопирит молибденит босқичида молибденит, кварц, пирит, эпидот ва карбонатлар билан ва пирит босқичида кварц ва пиритлар билан ассоцияция ташкил қилади. Бу босқичларда халькопирит жуда кам миқдорда ривожланган. Уни асосий қисми халькопирит босқичида ҳосил бўлган бўлиб, кварц, микроклин, хлорит ва карбонатлар билан ассоциация ташкил қилади. Халькопирит хол хол (вкрапленник), кварц томирида ва айрим холларда мустақил томир ҳолида учрайди.
Халькопирит поллиметалл босқичида кам ривожланган бўлиб кварц, пирит, сфалерит, галенит ва карбонатлар билан бирга учрайди.
Мис маъдани локал тарқалган бўлиб асосан гранодиорит-порфирларни экзоконтактида, камроқ эндоконтактида ривожланган майданаланиш зоналарида жойлашган (-расмлар). Мис минерализациясини миқдори гранодиорит-порфирлардан узоқлашган сари камайиб боради. Мис маъдан жисмлари гранодиорит-порфирларни апофизаларига параллел жойлашган. Маъданли зоналарни кенглиги чуқурликда 600 м бўлиб узунлиг 800 м. Маъдан жисмлари чуқурга тушган сари камайиб боради. Бу 11-11 геологик кесимда (-расм) ва 480 горизонт планида (-расм) яққол кўринади.
Молибденит гидротермал минерализацияни молибденит босқичида ҳосил бўлган бўлиб кам ривожланган. У кварц-эпидот - пирит-халькопирит томирларини чекка қисмида вкрапленник ҳолида учрайди, айрим холда мустақил томир (4 мм гача) ташкил қилади

расм. Мис минерализациясини Дальний конини II-II геологик кесимида ривожланиши.

а б в г

а -кварцли синито-диорит; б - гранодиорит – порфирни Алмалиқ тури;
в –0,01 -0,29% миқдорли мисни ривожланиш майдони; г- 0,3 % дан кўп миқдорли мисни ривожланиш майдони ( геологик партияларни маълумоти бўйича Шермухамедов Т.З., 1970).
Магмадан кейинги жараёнларни Дальний конида ўрганиш шуни кўрсатдики, мис минерализациясини жойланиши учун энг қулай шароит гранодиорит порфирларни экзоконтакти, камроқ уларни экзоконтактида бир вақтда ривожланган бирнеча турдаги ўзгарган метасоматик жинслардир. Юқори даражада мис маъданларини ривожланган майдони бир вақтда жинслар ўртача кварцланган, ўртача серицитланган ва ўртача хлоритланган жинсларда ва маълум қисми ўртача серицитланган ва ўртача хлоритланган жинслар иайдонига тўғри келади. Ўртача хлоритланган жинсларда мис маъданлари камроқ кузатилади. Уларни ер юзасида учраши чуқурроқда бой мис маъданларини борлигидан далолат беради.
Дальний конида молибден минерализацияси, асосан, ўртача хлоритланган жинсларда кузатилади.
Биотитланган жинслар билан мис минерализациясини ривожланган майдонларини таққослаш шуни кўрсатадики, биотитлашган жинслар мис маъданини жойланишида маълум аҳамиятга эга эмас. Уларни борлиги ер юзига чиқмаган мис маъданларини борлигидан далолат беради.
.