Dimlovchi inshootlarning asosiy vazifasi Dimlovchi inshootlarning o‘rnatilishi

7.5-rasm. Kanallardagi suv bo‘lgichlar
a, b-ochiq avtomatik; d-quvurli

Ochiq avtomatik ishlaydigan suv bulgichlar suv sarfini tarmoqlar o‘rtasida keluvchi kanal hisobiy ishlash rejimida berilgan doimiy o‘zaro nisbatda taqsimlaydi (7.5-rasm, a,b). Avtomatik ishlaydigan suv bulgichlarning kamchiliklaridan biri shundan iboratki, agar foydalanish davrida suv sarfini berilgan nisbatda o‘zgartirish kerak bo‘lsa, uni bajarish imkoniyati bo‘lmaydi. Kanalda avariya holati yuz berganda undagi birorta tarmoqni berkitishga yo‘l quyib bo‘lmaydi. Ochiq boshqariladagan suv bulgichlarida istalgan paytda suv sarfini boshqarish mumkin. Bunday suv bulgichlar har bir tarmogiga ochiq rostlagichlar o‘rnatiladi. Rostlagichlar ostonasi satxi keluvchi kanal tubi satxiga teng qilib olinadi. Kanalda avariya holatlari yuz berganda zatvorlar tushirilib, unga beriladigan suv sarfi tuxtatiladi. Sungra keluvchi kanaldagi hamma suv sarfi ikkinchi tarmoqqa o‘rnatilgan rostlagichdan o‘tkaziladi.

Quvurli suv bo‘lgich sxemasi (7.5-rasm, d) da ko‘rsatilgan. Bunday suv bo‘lgichlarning yutug‘i shundan iboratki, uning ustidan avtotransport qatnovi uchun yo‘l o‘rnatish mumkin. Suv bo‘lgichlarning har bir tarmog‘iga bir yoki bir nechta qatorliquvurlar o‘rnatish mumkin, ularning soni suv chuqurligi va gidravlik rejimga bog‘liq. Quvurli suv bulgich kirish kallagi ikki tarmoq uchun umumiy qilib o‘rnatiladi. Tarmoqdagi quvurlarni imkon qadar to‘g‘ri chiziq buycha joylashtirish maqsadida muvofiqdir, biroq ba’zi bir hollarda buni bajarib bo‘lmaydi, ularning burilishi maxsus bloklar orqali amalga oshiriladi. Bloklar yig‘ma yoki betondan joylarda tayyorlanadi. Quvurlari suv bo‘lgichlar gidravlik rejimi bo‘yicha bosimli va bosimsiz rejimda ishlaydi.