Dinshunoslik faniga kirish. Dinning mohiyati, tuzilishi, funktsiyalari. Urug'-qabila va milliy dinlar. Reja

Denominatsiya (lotin denominatio – qayta nomlanish) boshqa tipdagi uyushmalardan rivojlanib shakllanishi yoki o’zi boshdan shunday tipda shakllanishi mumkin bo’lgan diniy uyushma. Uning g’oyaviy, e’tiqodiy va tashkiliy tamoyillari cherkov va sektaga muxolifatda shakllanadi hamda turli maqsadli xarakterga ega. O’z a’zolarini tanlab olsada, har qanday dindor uchun ma’naviy poklanish imkoniyati mavjudligini tan oladi. Tashqi olamdan ajralish va diniy guruh ichida yopiqlik haqiqiy e’tiqodning zaruriy majburiy belgisi deb tan olinmaydi. Diniy faoliyatdagi faollikni oshirish uchun a’zolikni doimiy va qat’iy nazorat qilish tamoyili ilgari surilsada, e’tiqod qiluvchilar ijtimoiy hayotda faol ishtirok etishga chaqiriladi. Denominatsiya vertikal hamda gorizontal shaklda tuzilgan tashkilotdir. Barcha a’zolarning tengligi va boshqaruv tarkibini saylanishi tamoyili e’tirof etilsada, keng vakolatlarga ega doimiy boshqaruv elitasi mavjud. Ma’lum bir sharoitda denominatsiya cherkovga aylanishi yoki undan sektalar ajralib chiqishi mumkin.